Хууль зүйн байнгын хороо өнөөдөр /2014.04.14/ хуралдан Монгол Улсын Засгийн газрын гишүүнийг огцруулах тухай асуудлыг хэлэлцлээ. Хууль зүйн сайд Х.Тэмүүжинг огцруулахыг шаардаж "Засгийн газрын гишүүнийг огцруулах тухай" Улсын Их Хурлын тогтоолын төсөл өргөн барьсан үндэслэлээ Улсын Их Хурлын гишүүн О.Баасанхүү танилцуулсан юм.

Тэрбээр Хууль зүйн сайд Х.Тэмүүжин хууль зөрчиж, хариуцлага алдсан, хариуцсан салбараа удирдах чадваргүй, Засгийн газрын гишүүний ёс зүйн шаардлагыг хангахгүй байна гэсэн гурван үндэслэлээ дэлгэрэнгүй уншиж танилцуулав.

Үүний дараа Улсын Их Хурлын гишүүн Д.Ганбат Хууль зүйн сайдтай холбоотой тавиад байгаа асуудлын талаар гишүүдэд бүрэн мэдээлэл алга байгаа хэлэлцэх асуудлыг түр хойшлуулах горимын саналтай байгаагаа илэрхийллээ.

Засгийн газрын гишүүнийг огцруулах тухай" Улсын Их Хурлын тогтоолын төсөл өргөн барьсан үндэслэлээ Улсын Их Хурлын гишүүн О.Баасанхүү танилцуулсан юм.

Харин Улсын Их Хурлын гишүүн З.Баянсэлэнгэ гишүүн О.Баасанхүүгийн тавиад байгаа үндэслэлд Хууль зүйн сайд өөрөө тайлбар хийх байх гэсэн байр суурьтай байсан юм.

Хууль зүйн сайд Х.Тэмүүжин, Төрийн тусгай албан хаагчдын эмнэлгийн хөрөнгө оруулалтын зориулалтыг дур мэдэн өөрчлөх шийдвэр гаргаж, энэ шийдвэрээ баталгаажуулахдаа Улсын Их Хурлын гишүүний бүрэн эрхэд халдсан хэмээх үндэслэлийн талаар өнгөрсөн жилээс хойш тайлбарлаж байгаа хэмээлээ. Сайд Х.Тэмүүжин, Төрийн тусгай албан хаагчдийн эмнэлгийн хөрөнгө оруулалтын зориулалтыг өөрчлөх шийдвэрийг Засгийн газар хууль тогтоомжийн дагуу шийдсэн гээд энэ бүхнийг баталгаажуулсан аудитын дүгнэлттэй танилцан нягталж болно гэж хэлсэн.

Хэлэлцэх асуудлыг түр хойшлуулах горимын саналтай байгаагаа илэрхийллээ.

Гэмт хэргийн тоо нэмэгдсэн нь хууль зүйн салбарыг удирдах чадвар мөхөс байгааг харуулж байна гэсэн удаах үндэслэлд сайд доорх тайлбарыг хийсэн юм. Гэмт хэргийн тоо нэмэгдсэн нь хоёр шалтгаантай гэлээ. Нэгдүгээрт эдийн засгийн нөхцөл байдалтай холбоотой гэв. Мөн өмнө нь зөрчил, гэмт хэргийг тусад нь бүртгэж, хөнгөн гэмт хэргийг бүртгэдэггүй байсан системийг өөрчлөн, гарсан гомдол бүрийг бүртгэх аргачлалд шилжүүлсэн нь гэмт хэргийн тоо өссөнөөр харагдаад байгаа өөр нэг шалтгаан юм байна.

Түүнчлэн цагдаагийн үйлчилгээ иргэдэд ойртон гэрийнх нь гадаа очсон болохоор элдэв чирэгдлээс болж цагдаад тэр бүр ханддаггүй байсан иргэд хандах нь нэмэгдэн цаашид ч хэрэг, зөрчлийн тоо нэмэгдэх нь дамжиггүй болсон байна. Гэхдээ тоо нь өссөн гэдэг байдлаар харах бус, өсч буй үзүүлэлтийг зөв оношлон, урьдчилан сэргийлэх, илрүүлэлтийг нэмэгдүүлэхэд анхаарч ажиллах гэж буй агуулгыг нь олж харах хэрэгтэй гэж Х.Тэмүүжин сайд онцолж байлаа.

Түүнчлэн цагдаагийн үйлчилгээ иргэдэд ойртон гэрийнх нь гадаа очсон.

Улсын Их Хурлын гишүүн Б.Бат-Эрдэнэ, Сайдыг огцруулах үндэслэл, түүнтэй холбоотой гарч буй мэдээллийн талаар ганц Хууль зүйн байнгын хорооны ч бус нийт гишүүдэд мэдээлэл өгөх шаардлагатай. Үүний дараа үргэлжлүүлэн хэлэлцэх нь зүйтэй гэсэн саналтай байлаа. Ингээд Д.Ганбат гишүүний гаргасан горимын саналаар санал хураалт явуулахад хуралдаанд оролцсон гишүүдийн олонх дэмжсэнээр хэлэлцэх асуудлыг түр хойшлууллаа.