С.Бямбацогт гишүүн гурван сайхан хүүтэй. Бага хөвгүүд нь ихэр бөгөөд С.Бямбацогт гишүүнийг хүмүүс тун сайн аав болохыг магтан ярьцгаадаг. Түүний сайн аав болсон нь багаасаа дүү нараа ээжийнхээ хамтаар өсгөж хүмүүжүүлсэнтэй нь ч холбоотой байж болох юм.

Сандаг гуайн ууган хүү Бямбацогт зургаан дүүгийн ах байсан бөгөөд багаасаа өнчирч хэрсүүжсэн тэрээр ээжийнхээ түшиг нь болж дүү нараа хүмүүжүүлсэн гэдэг.

Бямба гараг бүр С.Бямбацогт гишүүн хөвгүүдийнхээ хамтаар салхилна. Хамтдаа дугуй унаж, тоглоно. Цаг дулаарсан болохоор л гарч байна уу гэтэл үгүй ээ. Тэрээр өвлийн улиралд гэр бүлийнхэнтэйгээ хамт бас л амралтын өдрүүдээр Скайресорт ордог байсан гэнэ лээ. Мөн эхнэрийнхээ хамтаар хоол хүнснийхээ зүйлсийг цуглуулан худалдааны төвүүдээр явж байх нь ч бий.

Одоо цагт “ажилтай” гэх үг аавуудыг хүүхдүүдээс нь хөндийрүүлэх болсон. Харин С.Бямбацогт гишүүн төрийн түмэн ажлыг амжуулахын зэрэгцээ хүүхдүүддээ ч сайн аав, эхнэртээ халамжтай нөхөр байж чаддаг нь олзуурхууштай юм.