Ардчилсан нам МАХН-тай нууц гэрээ хийжээ. Ямар гэрээ юм бол гэсэн жиргээ сүүлийн үед цахим ертөнцөд өрнөөд байгаа. Гэрээний эх хувь нь гэсэн материал ч үүнийг дагаад гарч ирсэн юм. Үүнийг МАХН-ын дарга Г.Шийлэгдамба дараах тайлбарыг хэлж байна.

Өнгөрсөн 2012 оны сонгуулийн үр дүнд аль нэг улс төрийн хүчин дархан аваргын хэмжээнд хүрэхээр давамгайлж, хүчирхэг бүрэлдэхүүн суудалтай болж чадаагүй. Гэхдээ Ардчилсан нам олонх болж засаг байгуулах эрх авсан юм. Харин тэд МАН биш МАХН-ыг ирэх дөрвөн жилийн түншээрээ сонгож засагтаа авсан. Энэ үед засагт хэрхэн ажиллахаар талаар тусгасан хэд хэдэн зүйл, заалттай гэрээ хийсэн. Харин өөр гэрээ, тэр тусмаа нууж хаасан харилцан үйлдсэн бичиг цаастай холбоотой асуудал байхгүй гэлээ. Нууц гэгдээд байгаа гэрээнд тусгагдсан МАХН-ын дарга НҮБ-д очно гэсэн мэдээлэл ч худлаа гэсэн юм.

МАХН-ын Ерөнхий нарийн бичгийн дарга Г.Шийлэгдамба: “Улс төрийн намуудын хооронд тэр тусмаа МАХН аль нэгэн намтай байгуулсан өөр тусдаа гэрээ байхгүй. Хэвлэл мэдээллийн хэрэгслээр гарч байгаа гэрээ хийгдсэн гэж байгаа бол гаргаад ирэх хэрэгтэй. Гэрээ гарын үсэгтэйгээ, албан ёсны гэрээ үзэглэсэн, бүх л баримтад хийгдсэн бол гэрээ гэж үзэх ёстой. Энэ гэрээний талаар манай нам албан ёсоор байр сууриа илэрхийлээгүй. Өөрөөр хэлбэл гэрээ байгуулагдсан бол энэ гэрээ байгуулагдсан гэж албан ёсоор хэлэх ёстой. Тийм зүйл хийгдээгүй. Хэвлэл мэдээллийн хэрэгслээр зориуд зохион байгуулалттайгаар хийсэн ажил байх."

Харин гэрээний эх хувь гээд хэвлэл мэдээллийн хэрэгслээр гараад байгаа бичиг цаасыг хэн үйлдсэн, ямар зорилготой ийм мэдээлэл цацсан бэ гэдгийг нягталж байгаа юм. Хянаж зарим нэгэн мэдээллийг цуглуулж байгаа учраас одоогоор тодорхой тайлбарыг хэлэхгүй байна.

Мөн “Бид судалж байгаа асуудал байна. Судалж байгаа асуудлыг би илэрхийлж хэлэх шаардлага алга. Мэдээж юм болгоны цаана эзэн байдаг шүү дээ. Тийм учраас үүний цаана эзэн байгаа. Тэр мэдээллийг гаргаж тавьсан хүний талаарх мэдээлэл ч байна, өлгөж авч байгаа хүмүүсийн талаарх мэдээлэл ч байна.” гэсэн юм

АН-тай нууц гэрээ хийгээгүй