Байнгын хорооны дарга нар жилд 1-2 удаа бие биенээ урьж, хоолоор дайлдаг бичигдээгүй уламжлал манай парламентад байдаг аж.

Энэ удаа Нийгмийн бодлого, боловсрол, соёл, шинжлэх ухааны байнгын хорооны дарга Д.Батцогтод “хонины ээлж” таарчээ. Тэрбээр өнгөрсөн пүрэв гаригт чуулганы завсарлагаанаар УИХ-ын дарга З.Энхболд болон Байнгын хорооны бусад даргыг Төрийн ордон дахь өрөөндөө урьсан байна.

Тэр хавиар УИХ-ын даргын хамгаалагч нар зогсоод байсны учир нь энэ гэнэ. Гишүүн эхнэрээрээ загасны махан хуушуур, олон төрлийн салат хийлгэж авчирсан байжээ. Жилд 1-2 удаа тохиох уламжлалт өдрийн цай учраас Байнгын хорооны дарга нар Төрийн ордны цайны газраас биш, гаднаас хоол авчирч, бусдыгаа дайлдаг бололтой.