Илжиг хэмээх төмөр туулай жилийн шинийн 4-ний бэлэгт өдрийн морин цагийг сонгон Ардчилсан намын удирдлагууд ҮЗХ-ны гишүүд болон намынхаа ахмад гишүүдтэй золголоо. Золголтод АН-ын дарга Н.Алтанхуяг, ЕНБДарга Д.Эрдэнэбат, УИХ-ын гишүүн, Эрүүл мэндийн сайд С.Ламбаа, УИХ-ын гишүүн БОАЖ-ын сайд Л.Гансүх, УИХ-ын гишүүн, УИХ дахь Ардчилсан намын бүлгийн дэд дарга Л.Гантөмөр, УИХ-ын гишүүн Кёкүшюзан Д.Батбаяр тэргүүтэй төрийн түшээд, ҮЗХ-ны гишүүд, настан буурлууд оролцлоо.


Ардчилсан намын хувьд өнгөрөгч төмөр бар жил үр өгөөжөө өгсөн сайхан жил болж Ардчилсан хувьсгалын 20 жилийн ойг өргөн тэмдэглэж, “Монгол хүн -2020” хөтөлбөрийн эхлэл тавигдсан, “Ардчиллын өргөө-Ард түмний өргөө”-ний барилгын ажил эхэлсэн гээд дурдаад байвал намын амьдралд олон сайхан үйл явдлууд болж өнгөрснийг энэ үеэр намын гишүүд өөр хоорондоо ярилцаж, ирэх жилийн өнгийг угтан хэлэлцжээ. 

Ардчилсан намын байранд болсон золголтонд урьд жилүүдтэй харьцуулахад илүү олон намын гишүүд, ахмад зүтгэлтнүүд хүрэлцэн ирсэн байна.