ЗГ-ын хэрэгжүүлэгч агентлаг Цөмийн энергийн газрын дарга Н.Тэгшбаяр ХБНГУ-ын “Тазса” институтийн Хэт хүнд элементийн судалгааны хүрээлэнгийн эрдэм шинжилгээний ажилтан цөмийн физикч, доктор Ж.Хуягбаатарт 2010 онд Дубнад нээгдсэн 117-р элементийг баталгаажуулсан явдалд баяр хүргэж, цаашдын ажилд нь өндөр амжилт хүслээ.

Мөн цаашид Монголын физикийн салбарыг дэлхийн түвшинд гаргаж, залуу эрдэмтдийг дэмжиж ажиллахыг уриалсан.   

Доктор Ж.Хуягбаатар нь Цөмийн энергийн газрын даргын дэргэдэх Эрдэмтдийн зөвлөлийн гишүүн бөгөөд цөмийн энергийн салбарын бодлогыг тодорхойлоход үнэтэй хувь нэмэр оруулж ирсэн эрдэмтэн юм.