Олон улсын хүүхдийн “Найрамдал” Төвд "Мянган хүүхдийн баяр" боллоо.

Баярыг зохион байгуулагчид

“Дэлхийн зөн Монгол” олон улсын байгууллага “Мянган хүүхдийн баяр” арга хэмжээг найм дахь жилдээ Хүүхдийн төлөө Үндэсний газар, ОУХ-ийн Найрамдал төв, Мобиком корпорацтай хамтран зохион байгууллаа.

“Мянган хүүхдийн баярыг нийслэл, орон нутгийн хагас, бүтэн өнчин, хөгжлийн бэрхшээлтэй хүүхдүүдэд зориулан Хүүхдийн эрхийг хамгаалах олон улсын өдөр тэмдэглэж ирсэн билээ. Энэ баярын үеэр хүүхэд, залуучуудыг хэрэгцээтэй мэдээллээр хангах, эрсдэл учирсан хүүхдүүдэд тусламж үзүүлэх зорилгоор “Хүүхдийн тусламжийн утас 108” утсыг ажиллуулах нээлтийн үйл ажиллагаа боллоо. Нээлтэнд Хүүхдийн Төлөө Үндэсний газрын дарга И.Нарантуяа, “Дэлхийн зөн Монгол” ОУБ-ын суурин төлөөлөгч Винсент Эдвардс, Мобиком корпорацийн Гүйцэтгэх захирал Дэвид Холидэй нар оролцон хүүхдүүддээ баяр хүргэлээ.