Нийслэлийн Боловсролын газрын даргын тушаалаар нийслэлийн есөн дүүрэгт үйл ажиллагаа явуулж буй цэцэрлэгийн тогооч нарыг аттестатчлал, батламжийн шалгалтад хамруулахаар болжээ.

Төрийн болон хувийн өмчийн цэцэрлэгийн тогоочийн ур чадварыг бодитоор үнэлэн батламж олгох зорилготой энэхүү шалгалтад нийт 752 цэцэрлэгийн тогооч хамрагдах аж.

Шалгалт авах хуваарийг цэцэрлэгүүдэд мэдэгдсэн байна. Энэхүү шалгалтаар тогооч нарын онолын мэдлэг болон технологийн чадварыг шалгах юм байна. Шалгалт энэ сарын 9-нөөс 26-ны хооронд ШУТИС-ийн Хоол үйлдвэрлэлийн лабораторид явагдах бөгөөд шалгалтын дүн энэ сарын 30-ны дотор гарах аж.