“Ам нээвэл” зочны ярилцлагын нэвтрүүлэг эхэлж байна. Энэ удаагийн зочноор УИХ-ын гишүүн, НББСШУБХ-ны дарга Д.Батцогттой ярилцлаа.

Тэрээр 1968 онд Ховд аймгийн Мөст суманд төржээ. 1992 онд ОХУ-ын Москвагийн УААДС-ийг усны инженер мэргэжлээр төгсчээ. 1996-1996 оны хооронд СЭЗДС-ийг банк, санхүүч эдийн засагч мэргэжлээр тус тус дүүргэжээ. Мөн 1997-1998 оны хооронд “Нөөц“ ХХК-д менежер, “Вестерн трейд” ХХК-ийн захирал хийж байгаад Гаалийн ерөнхий газарт байцаагчаар ажиллав.

Дараа нь Орхон аймгийн гаалийн газрын дарга, Нефтийн онцгой албан татварын гаалийн газрын дарга, “Хайрхан холдинг” ХХК-ийн захирал, ГЕГ-т дэд дарга, “Амлалт нэхэх” АТХ-ийн тэргүүн, 2012 оноос УИХ-ын гишүүн, 2014 оноос УИХ-ын НББСШУ-ын байнгын хорооны даргаар тус тус ажиллаж байгаа юм.

-Сүүлийн үед завгүй ажиллаж байна уу?

Өглөө орж ирээд орой гардаг. Байнгын хорооны дарга бол УИХ-ын гишүүнээс арай их ажилтай байдаг.

-Амлалт нэхэх ард түмний холбоо анх гарч ирээд, та өлсгөлөн зарлаж байсан. Та хэдэн килограмм турсан бэ?

Амлалт нэхэх ард түмний холбоо бүх аймгийг хоёр тойрсон. Сүхбаатарын талбайд цуглаан хийгээд, нийтдээ 14 хоног өлсгөлөн

зарласан. Зөвхөн ус ууж, эмчийн хяналтан дор байсан. Өмнө нь тэгж их өлсч байгаагүй. Гэхдээ ямар нэгэн зорилго тавиад түүндээ тэвчээртэй байх хэрэгтэй гэдгийг мэдэж байсан. Тэгээд сүүлдээ өлсөхөө больсон. 14 хоногийн хугацаанд 13 килограмм турж байсан.

-Одоо жин нэмсэн харагдаж байна?

Өглөөнөөс орой болтол хурал зөвлөлгөөнд суухаар хөдөлгөөн дутагдаж байгаа байх.

-Аливаа улс төрийн хөдөлгөөн, жагсаал цуглааны ард томоохон санхүүжүүлэгч байна гэж ард түмэн ойлгодог. Үнэхээр тийм зүйл байсан уу?

Амлалт нэхэх ард түмний хөдөлгөөний цаана ард түмэн л байсан. Тухайн үед Н.Энхбаяр, М.Энхсайхан байгаа гэж янз бүрээр ярьж байсан ч худлаа. Аливаа цуглаан, жагсаал хөдөлгөөнд мэдээж мөнгө хэрэг бололгүй яах вэ.

Бидний үйл хэргийг дэмжиж байгаа нөхдөөсөө тав арван төгрөг гуйх үе байсан. Өөрсдөөсөө ихэвчлэн мөнгөө гаргана. Ард түмнээсээ гуйдаг байсан. Заримдаа аймгууд дээр явж байхад буудлын мөнгөгүй болчихоод айлд хонож байсан удаа бий.

Тэгэхэд Баянхонгор аймгийн хоёр сайхан буурай биднийг өрөвдөөд гэртээ аваачиж, хойморьтоо ор засч өгөөд, буузаар дайлж байсныг хэзээ ч мартахгүй.

-Амлалт нэхэх ард түмний холбооны хоёр тэргүүн Улсын их хуралд орж ирсэн учир холбоо татан буугдсан гэсэн үг үү?

Холбоо бол төрийн бус байгууллага. Холбоог цаашид авч явах боловсон хүчин гарч ирээгүй байна. Өөрийнхөө ажил амьдралаа золиод үйл хэргийг нь аваад явья гэх хүн байхгүй байна.

-Та Уяачдын холбооны тэргүүн, Усны холбооны тэргүүн, Махны холбооны тэргүүн гээд олон холбооны тэргүүн. Таны ажил амжиж байна уу?

Үргэлжлэлийг нэвтрүүлгээс үзнэ үү.

Д.Батцогт: Баянхонгор аймгийн хоёр буурай биднийг өрөвдөөд гэртээ хонуулж, буузаар дайлсаныг хэзээ ч мартахгүй