УИХ дахь МАН- ын бүлэг Эдийн засгийн хөгжлийн сайд Н.Батбаярт хариуцлага тооцох асуудал оруулсан.

Эхний удаа хэлэлцэх гэтэл өвчтэй хэмээн чөлөө авсан. Дараа нь асуудлыг түр хойш тавья гэдэг санал гарсан. Харин өчигдөр чуулганы нэгдсэн хуралдаанаар хэлэлцэх байтал УИХ дахь АН-ын бүлэг завсарлага авч дахин хойшиллоо. Үүнд УИХ дахь МАН-ын бүлэг ямар байр суурьтай байгааг бүлгийн дарга С.Бямбацогтоос сонслоо.

-УИХ дахь АН-ын бүлэг Эдийн засгийн хөгжлийн сайд Н.Батбаярыг огцруулах асуудалд завсарлага авчихлаа. Огцруулах асуудал оруулж ирсэн МАН-ын бүлэг ямар байр суурьтай байгаа вэ?

-Эдийн засгийн хөгжлийн сайдыг огцруулах асуудлыг МАН- ын бүлгийн 26 гишүүн тавиад нэг сарын хугацаа өнгөрлөө. Монгол Улсын эдийн засагт нар гаргах шаардлагатай байна. Ард иргэдийн амьдрал ядуурч, компаниуд дампуурч, гадаадын хөрөнгө оруулалт Монголоос зугатаж байна.

Энэ үед буруу бодлогоо өөрчилье зөв бодлого дэвшүүлж, явуулъя. Ингэхийн тулд хариуцсан сайдад нь хариуцлага тооцох ёстой гэсэн боловч эрх баригч намын бүлэг сар гаруй хугацаагаар хойш татлаа. Хуулиараа бол тав хоногийн дотор шийдэх ёстой асуудал юм.

Хэрвээ бэрхшээлтэй хүндрэлтэй асуудал байдаг бол тал бүрээс нь шүүн тунгааж, ярилцаад зөв шийдэлд Хүрдэг байх ёстой.

Ингэж зугатсанаараа Монгол Улсын эдийн засаг, иргэдийн амьдралд зөв зүйл болно гэж бодохгүй байна. Асуудлыг барьж авч шийдье гэж эрх баригч намынханд уриалъя.

Даргын шийдвэрийг биелүүлдэг биш төрийн хууль дагадаг тогтолцоо бий болгоно, төрийн бүх шатанд хяналт, хариуцлагын тогтолцоо бий болгоно гэж эрх баригч намын мөрийн хөтөлбөрт заасан. Харамсалтай нь, төрийн тогтолцоондоо хариуцлагагүй, хууль биелүүлдэг болчихлоо.

Өчигдөр Дэлхийн банк, Олон улсын валютын сангийнхан Монгол Улсын макро эдийн засгийн байдлын талаар Засгийн газар хэлэлцүүлэг өрнүүлсэн. Дэлхийн банк, Олон улсын валютын сангийнхны ярьж байгаа, зөвлөж байгаа нь МАН-ын бүлгийн тавьдаг шаардлагатай зуун хувь нийцэж байна лээ.

Ийм байхад эрх баригчид алдаагаа ухамсарлаж, зөв бодлого явуулж ард иргэдийн амьдралыг сайжруулж, Монгол Улсаа галзуу хөгжүүлэх бодлогоо хурдан хэрэгжүүлж эхлээсэй гэж хүсч байна.

-Завсарлага авах үндэслэлийн талаар?

-Завсарлага авах үндэслэл тийм айхтар зүйл биш. Хууль хэрэгжүүлэхэд алдаа дутагдал гарсан байхыг үгүйсгэхгүй. Үүнийг хууль, хяналтын байгууллага шалгана гэсэн. Энэ бол завсарлага авах ноцтой үндэслэл болж чадахгүй.

-Хөгжлийн банкны захирлыг АТГ-т шалгуулахаар МАН-ын бүлгээс хандсан гэх мэдээлэл байна. АТГ-т ЭЗХ-ийн сайд болон бусад албан тушаалтныг шалгуулах үндэслэл бий юу?

-МАН-аас асуудал тавиагүй. Бид Засгийн газар, сайд нар, албан тушаалтнуудаас хууль биелүүлэхийг шаарддаг. Ерөнхий сайдын 50 тэрбум төгрөгийн асуудлыг аудитыу байгууллага, АТГ-т шЭлгуулъя гэж ярьж байгаа.

-Төмөр замын талаар төрөөс баримтлахбодлогын хэрэгжилтийг хангах тогтоолын төсөлд МАН-ын бүлэг ямар байр суурьтай байгаа вэ?

-МАН-ын бүлэг энэ асуудалд зургаан гишүүнтэй ажлын хэсэг байгуулсан Засгийн газраас оруулах ирсэн тодорхой боомтуудаас нарийн царигийн төмөр зам тавих асуудлыг сайтар судалж, олон талаас ярих ёстой гэж ажлын хэсэг ажиллаж байна.

Байр сууриа одоогоор нэгтгээгүй байна Гэхдээ 2010 онд УИХ-аас Төрөөс төмөр замын тээврийн талаар баримтлах бодлогын баримт бичгийг баталсан. Энд заасан асуудлын хүрээнд ярих ёстой. Дээр нь мэдээж үндэсний аюулгүй байдгьн зөвлөмжүүдэд туссан асуудлыг анхаарах ёстой.

С.Бямбацогт: Завсарлага авах ноцтой шалтгаан, үндэслэл биш