Өнгөрсөн долоо хоногийн баасан гаригт хэдэн сая үзэгчтэй Хятадын төрийн өмчит “ССТV”- гийн “Эдийн засгийн мэдээ”- ний хөтөлбөрийн үеэр алдарт хөтлөгч, сэтгүүлч Руи Ченганы суудал эзгүйрсэн байв.

Учир нь түүнийг баасан гаригт эфирт гарахаас нэг цагийн өмнө ажлын байран дээрээс нь Хятадын авлигын эсрэг шалгалтын хэсэг прокурорын тушаалаар баривчилжээ.

Өдгөө 37 настай Руи нь Хятадын телевизийн хамгийн алдартай хөтлөгчдийн нэг бөгөөд хориотой хотоос “Starbucks”-ыг гаргах компанит ажлыг амжилттай удирдаж алдар нэрд хүрсэн нэгэн юм. Харин Монголчууд түүнийг Ерөнхий сайд Н.Алтанхуягтай ярилцаж, Засгийн газрын тэргүүнийг нэгэн үе шүүмжлэлд бөмбөгдүүлэхэд хүргэсэн хөтлөгч гэдгээр нь эчнээ таних болсон билээ.

Ийнхүү Хятадын авлигын сүлжээнд төрийн өмчит хэвлэл мэдээллийн салбарын нөлөө бүхий нэгэн холбоотой нь тогтоогдож баривчлагдсан нь олон нийтийн анхаарлыг татаж байна.

Ингээд түүний талаар мэдэх ёстой баримтуудаас сонирхуулъя.

Тэр хэр алдартай вэ

ТҮЛХҮҮР ҮГ: 10 САЯ

Түүний хөтөлдөг “Эдийн засгийн мэдээ” бол Хятадын төв телевизийн санхүүгийн мэдээний сувгийн нүүр царай болсон хөтөлбөр юм.

Тэрээр Билл Клинтон, Билл Гейтс гээд дэлхийн хамгийн баян, дэлхийн хамгийн хүчирхэг гээд томоохон алдартнуудтай ярилцаж, тэдэнтэй нөхөрлөж чаддаг нэгэн байжээ.

Орой бүр түүний нэвтрүүлгийг 10 сая гаруй үзэгч шимтэн үздэг гэх тоо байдаг аж. Англи хэлний өндөр мэдлэгтэй, барууны соёлд сайн суралцсан түүнийг ихэнхдээ гадаадын удирдагчид, салбарын шилдгүүдэд зориулсан ярилцлагын нэвтрүүлгүүдэд томилдог байсан.

Тэрээр Билл Клинтон, Билл Гейтс гээд дэлхийн хамгийн баян, дэлхийн хамгийн хүчирхэг гээд томоохон алдартнуудтай ярилцаж, тэдэнтэй нөхөрлөж чаддаг нэгэн байжээ.

Хятадын твиттер гэгддэг “Sina Weibo”-д тэрээр 10 сая гаруй дагагчтай нь нийгмийн сүлжээн дэх Хятадын төв телевизийн хамгийн алдартай хөтлөгч гэдгийг баталж байгйа юм.

Тэр яагаад шүүмжлэлд өртөж байв

ТҮЛХҮҮР ҮГ: ҮНДСЭРХЭГ

Тэрээр 2007 онд Бээжин дэх хориотой хотод “Starbucks” сүлжээг хөөн зайлуулах компанит ажпыг удирдаж байжээ. Хятадын соёлын өвийн нэг болох түүхэн ордон музейн гадна талд Америкийн кофены дэлгүүр үүд хаалгаа нээсэн нь тухайн үед шүүмжлэлд өртөж байсан юм.

Тэрээр 2007 онд Бээжин дэх хориотой хотод “Starbucks” сүлжээг хөөн зайлуулах компанит ажпыг удирдаж байжээ.

Харин тэрээр иргэдийг өв соёлоо хамгаалан үлдэхэд уриалж ийнхүү компанит ажлыг зохион байгуулж байсан аж. Энэ нь түүнийг нэр алдарт хүргэж шүтэн бишрэгчидтэй болгосон ч Цөөнгүй шүүмжлэгчдийг мөн дагуулсан юм.

Түүний хэт үндсэрхэг үзэл дэлхийн тавцанд Засгийн газрын бодлогоо хамгаалж, АНУ-ын албан хаагчдыг буруутгах үед тод харагддаг гэж хэлж болно. 2010 онд АНУ-ын Ерөнхийлөгч Барак Обама Өмнөд Солонгост айлчлах үеэрээ хэвлэл мэдээллийнхний дунд эцсийн асуултыг үлдээе гэхэд Руи “Би бол Хятад хүн. Гэхдээ намайг бүх Азийг төлөөлж байна гэж бодож болно” хэмээн өөрийгөө танилцуулсан байдаг. Харин үүний дараагийн жил

тэрээр АНУ-ын Элчин сайд Гари Локтой ярилцах үеэрээ “Манай хамт олон таныг энд есопоту с1азз суудлаар нисч ирсэн гэж хэлсэн. Энэ нь АНУ Хятадад мөнгөний өртэй гэдгийг сануулах гэсэн хэрэг үү” хэмээн асууж шуугиан дэгдээж байсан юм.

Тэр ямар хэрэгт холбогдсон бэ

ТҮЛХҮҮР ҮГ: АВЛИГА

Руид холбоотой хэрэг өнгөрсөн сард түүний удаан хугацааны хамтрагч төрийн өмчит "ССТV"-гийн санхүүгийн мэдээний сувгийн дарга Гуо Жэнши хэрэгт холбогдон баривчлагдах үеэс сөхөгдсөн юм.

"ССТV"-гийн санхүүгийн мэдээний сувгийн дарга Гуо Жэнши хэрэгт холбогдон баривчлагдах үеэс сөхөгдсөн юм.

Хятадын төрийн хэвлэл мэдээллийн хэрэгсэлд түүнийг Гуо Жэншиний хэрэгт ойрын холбоотой байсан хэмээн бичжээ. Тэд “ССТV”-ийг хууль бусаар ашиг олох эх сурвалж болгон ашиглаж байсан аж. Руи “ССТV”-д сэтгүүлчээр ажиллаж эхэлснийхээ дараа буюу 2002 онд “Редазиз” нэртэй олон нийтийн харилцааны компанийг Гуо Жэншинтэй хамтран үүсгэн байгуулж, найман жилийн турш телевизийн хувьцаа эзэмшиж байжээ.

2007 онд “ССТV” АНУ- ын олон нийтийн харилцааны шилдэг компани “Edelman”-тэй хамтран ажиллаж эхэлснээс хойш хоёр жилийн турш тэрээр хувь эзэмшсээр байсан аж.

Түүнийг баривчлах нь ямар ач холбогдолтой вэ

ТҮЛХҮҮР ҮГ: УЛС ТӨР

Руигийн авлигатай холбоотойг албан ёсоор зарласан нь Хятадын Ерөнхийлөгч Си Жинпиний санаачилсан авлигатай тэмцэх хөтөлбөрийн хамгийн сүүлийн үеийн алхам болсон юм.

Си Жинпинь Коммунист намыг аюулд учруулж байгаа авлигатай тэмцэх ажлын хүрээнд “бар, ялаа” гэж ялгалгүй хэргийг илчлэн тохирох шийтгэлийг ногдуулна гэж байсан.

Си Жинпиний санаачилсан авлигатай тэмцэх хөтөлбөрийн хамгийн сүүлийн үеийн алхам болсон юм.

Энэ ажлын хүрээнд хоёр жилийн хугацаанд Хятадын улс төрийн товчооны гишүүн асан, сайд асан гээд 35 “бар” буюу өндөр албан тушаалтныг авлигын хэрэгт холбоотойг илчлээд байгаа. Харин Руи бол Си Жинпиний схемчилснээр авлигын сүлжээн дэх “ялаа" юм.

Гэхдээ яагаад ийнхүү “ялаа’’-г олон нийтэд илчлэн зарлах болов гэдэг нь олны анхаарлыг татаж байна.

Учир нь Руигийн хамтрагч, "ССТV”-гийн дарга асан Гуо бол Хятадын Дотоодын аюулгүй байдлын дарга асан Жоу Юнканы жигүүрт харьяалагддаг нэгэн юм.

Тиймээс ч хөтлөгч Руигийн хэрэг Жоу Юнканы хамсаатнуудыг мөшгих ажлын хүрээнд илчлэгдсэн болж таарч байгаа юм.