“Дэлхийн Монгол-Ногоон Нэгдэл”, “Босоо Хөх Монгол” ТББ-ууд Увс аймгийн Хяргас сумын Марцын голын орчимд үйл ажиллагаа явуулж буй “Цэрэнбадам” компаний алтны уурхайн үйл ажиллагааны талаар мэдээлэл хийлээ.

Түүгээр ч барахгүй “Цэрэнбадам” компани түүнийг шүүхэд өгсөн байна.

“Цэрэнбадам” компани нь тус газарт 2012 оноос эхлэн хайгуул хийж 2013 оны наймдугаар сард 30 жилийн хугацаатай ашиглалтын тусгай зөвшөөрөл авсан юм байна.

Тус компанийг хайгуулын үйл ажиллагаа явуулж эхэлснээс хойш тэр хавийн 20 гаруй мал шалтгаангүй үхсэн тул сумын иргэд хортой бодис хэрэглэсэн байж болзошгүй гэж үзээд тав, зургаан удаа очиж эсэргүүцэл илэрхийлэн, үйл ажиллагаагаа зогсоохыг шаардаж байжээ.Мөн Хяргас сумын засаг дарга Ц.Цэвээнравдан тус компанийн үйл ажиллагааг зогсоож өгөх хүсэлт аймгийн засаг даргад хүргэсэн ч хариуд нь үйл ажиллагааг нь үргэлжүүлэх албан тоот гаргасан байна. Түүгээр ч барахгүй “Цэрэнбадам” компани түүнийг шүүхэд өгсөн байна.

Тиймээс нутгийн иргэд “Дэлхийн Монгол-Ногоон Нэгдэл”, “Босоо Хөх Монгол” төрийн бус байгууллагуудад хандаж “Цэрэнбадам” компаний үйл ажиллагааг зогсооход дэмжлэг үзүүлэхийг хүссэний дагуу очиж нутгийн 40 гаруй иргэнтэй хамтран үйл ажиллагааг нь зогсоосон байна.

Орон нутгийн удирдлага, иргэдийн ямар ч зөвшөөрөлгүй үйл ажиллагаа явуулж буй “Цэрэнбадам” компанийг нутгийн иргэд нэгдэн шүүх, хяналтын байгуулагад шалгуулахаар өгсөн байна.

Хяргас сумын иргэд "Цэрэнбадам" компаний үйл ажиллагааг зогсоожээ