Хичээлийн шинэ жил эхлэх гэж байна. Гэтэл сурагчдад олгодог үүдийн цай хөтөлбөр хэрэгжих боломжгүй болсон таагүй мэдээг нийслэлийн  мэргэжлийн хяналтын газраас  дуулгалаа.

Сургуулиудын цайны газруудыг сонгон шалгаруулалтын зарлаагүйгээс гадна тухайн сургуулиудад бүтээгдэхүүн нийлүүлэх компанийг ч сонгоогүй есдүгээр сарын 1-тэй золгож байна.

Нийслэлийн  мэргэжлийн хяналтын газар хичээлийн шинэ жилийн өмнөхөн олон нийтэд нэгэн таагүй мэдээлэл хүргэж байна. Нийслэлийн боловсролын газар өмчийн харилцааны газраас гал тогооны газартай сургуулиудын, цайны газарт үдийн цай хөтөлбөр хэрэгжүүлж ажиллах, аж ахуй нэгжүүдийн сонгон  шалгаруулалтыг хийхгүй байснаас болоод ирэх есдүгээр сарын 1-ээс  үдийн цай хөтөлбөр хэрэгжих боломжгүй болчихоод байна.

Түүнчлэн сургуулиуд дээр аж ахуй нэгжүүд тодорхой болоогүй байгаатай зэрэгцэн сургуулиуд руу бүтээгдэхүүн нийлүүлэх компаниудын нэрс ч тодорхой бус байгаа юм.

УИХ-ын гишүүн, Боловсрол, Шинжлэх ухааны сайд Л.Ганхуяг хэлэхдээ: Урьд нь сургах гэж зүтгэдэг байсан бол шинэ хөтөлбөрөөр суралцдаг болно. Харин зөвхөн сургалтын хөтөлбөр байсан бол одоо боловрлын хөтөлбөртэй болж байгаа юм. 

Энэхүү нь сурах арга барил байна, сургах зүйл байна. Нөгөө талдаа хүн болж төлөвших, ёс суртахуун, ёс зүй, төлөвшиж сурах юм.  Нэг үгээр хэлбэл бид 1-5 ангид нь зөв монгол хүнийг бэлтгэх боловсролын шинэ  хөтөлбөрийг гаргаж энэ оны хичээлийн жилээс эхлээд хэрэгжүүлэхээр  болсон.

Мэргэжлийн хяналтын байгууллагын зүгээс нийслэлд үйл ажиллагаа явуулж байгаа ерөнхий боловсролын 39,51-н цэцэрлэгүүдэд хоол хүнс хангагдах байгууламж, мөн оюутны дотуур байруудад шалгалт хийж нийтдээ 116 байгууллагад гэнэтийн болон үзлэгт шалгалт хийсний дараа энэ мэдээллийн олон нийтэд өгч байгаа юм байна.