Иргэний нийгмийн байгууллагын төлөөлөгчид өчигдөр хэвлэлийн хурал хийлээ. “Дэлхийн Монгол- Ногоон Нэгдэл", “Босоо Хөх Монгол" ТББ-ууд Сүхбаатар аймгийн Баруун-Урт хотын иргэдтэй уулзжээ.

Иргэдтэй уулзаж санал сэтгэгдлийг сонссоны дараагаар Засаг дарга Ж.Батсуурийг гарч ирж, Сүхбаатар аймаг дахь лицензийн талаар өөрийн үзэл бодол, байр сууриа илэрхийлэхийг хүссэн ч тэрээр гарч ирээгүй гэнэ. “Кожеговь" компани тус аймгийн ихэнх суманд ураны хайгуулын тусгай зөвшөөрөлтэй боловч үйл ажиллагааныхаа явцад хууль дүрэм зөрчөөд удаж байгаа.

Энэ үйлдлийг Ж.Батсуурь дарга таслан зогсоохгүй байгаа нь авлига авсан гэх хардлагыг төрүүлж байгаа учраас АТГ-т хандаж шалгуулахаар болсон гэдгээ илэрхийлцгээлээ.