“Хүсэл зоригоо нэгтгэе” үндэсний хөдөлгөөний тэргүүн Х.Бат-Ялалттай ярилцлаа.

-Хүсэл зоригоо нэгтгэе гээд бас нэг хөдөлгөөний тэргүүн болчихлоо. Анх “Нэг Монгол хөдөлгөөн”, “Эрүүл нийгэм иргэний хөдөлгөөн”, “Иргэдийн шударга шүүх” гээд их олон нэртэй иргэний хөдөлгөөний тэргүүн байсан. Яагаад хамгийн сүүлд Хүсэл зоригоо нэгтгэе гэж өөрийнхөө нэрийн дор тавиулахаар шийдсэн бэ. Энэ ямар учиртай вэ?

Иргэдийн шударга шүүх төрийн бус байгууллага гэдгийг бол яах аргагүй үзэл бодол нийлдэг хуульчдынхаа хамт байгуулаад долоо найман жил болчихлоо. Иргэдийн шударга шүүх байдгаараа байгаа. Монгол улсад ижил төрлийн үйл ажиллагаа явуулдаг, сайн дурын иргэний нийгмийн байгууллагууд нэгдээд үндэсний хөдөлгөөн байгуулсан.

Өнгөрсөн зургаан сарын 28-нд байгуулаад өнөөдрийг хүртэл үйл ажиллагаагаа явуулж байна. Монголд идэвхитэй үйл ажиллагаа явуулдаг бүх байгууллага үүнд нэгдсэн. Хамтарч ажилласны үр дүнд боловсон хүчний бааз үр дүн нэмэгдэж байна. Тус тусдаа байсан тоо баримтаа нэгтгэхээр нилээн бодитой тоо баримт цуглаж байгаа. Сүүлийн хоёр гурван сарын хугацаанд бид олон үйл ажиллагаа зохион байгуулсан.

-Монголчууд нэг ийм үйл ажиллагаа явуулахаараа өөрийнх нь нэр байхгүй болчихлоо гэдэг ч юм уу тийм тохиолдол байдаг. Нэг зүйл нь болохгүй болоод буцан задардаг. Энэ тал дээр ямар бодолтой байна вэ?

Тэр их олон учир шалтгаан байгаа юм л даа. Зарим нь бол өөрсдөө зохион байгуулдаг. Зарим нь төсөл хөтөлбөр авч, мөнгө төгрөг олох гэсэн зорилготой байгуулагдаж байна.

Энд нэгдэж буй байгууллагууд олон жил үйл ажиллагаа явуулсан, судалгаа хийсэн мэргэжлийн хүмүүс байгаа. Хоёрдугаарт нэрний хувьд онцгой. Эхлэн бид хүчээ нэгтгэе гэхээс илүүтэй оюун санаагаа, зорилго, хүслээ нийлүүлье гэж ярилцаж байгаа. Энэ гурван сарын хугацаанд бид бие биенээсээ суралцаж юуны төлөө нэгдэх вэ гэдгээ тодорхойллоо. Ер нь цаашдаа хамтдаа ажиллах нь зүйтэй юм байна гэдэг дээр санал нийлж байгаа.

-Хүсэл зоригоо нэгтгэе гэдэг хөдөлгөөн байгуулагдаад 9 сарын дундуур Ерөнхийлөгч, Ерөнхий сайдад хүсэлт явуулсан байсан. Хариугаа авсан уу?

Хариу өгөхгүй байгаа. Ерөнхийлөгчийн өмнөөс хуулийн зөвлөх Өнөрбуян гэдэг хүн хариу ирүүлсэн.

-Үргэлжлэлийг бичлэгнээс үзнэ үү

Х.Бат-Ялалт: Хүсэлтийн хариу ирээгүй байгаа