Албан журмын даатгалд хамрагдаагүй бол 192 000 төгрөгөөр торгоно
2014.10.14

Албан журмын даатгалд хамрагдаагүй бол 192 000 төгрөгөөр торгоно

Жолоочийн албан журмын даатгалын тухай хууль хэрэгжээд тодорхой хугацаа өнгөрч байна.

Энэ хугацаанд жолооч нар албан журмын даатгалд маш идэвхтэй даатгуулж байгаа. Гэхдээ даатгуулахгүй үлдсэн буюу хугацаа нь дуусчихсан иргэд цөөнгүй бий гэдгийг Замын цагдаагийн газраас мэдээлсэн.  

Нийслэлийн замын цагдаагийн газар, Албан журмын даатгалын холбоо, Даатгал зуучлалын төв  хамтарсан Жолоочийн албан журмын даатгалын хэрэгжилтийн талаар гудамж замд хөдөлгөөнд оролцож байгаа тээврийн хэрэгслүүдэд хяналт шалгалт хий ажил явагдаж эхэллээ. 

Зөрчилтэй жолооч нарт хуулийн арга хэм­жээ тооцож ажиллахаар хуульд заагдсаны дагуу албан журмын даатгалын хугацаа нь дууссан, даатгалын хугацаагаа сунгуулаагүй тээврийн хэрэгсэл эзэмшигчийг албадан даатгалд хамруулах үүргийн дагуу даатгалыг хийлгэж байгаа юм. 

Хэрвээ албан журмын даатгал хийлгээгүй тээврийн хэрэгсэлтэй замын хөдөлгөөнд оролцсон тээврийн хэрэгсэл өмчлөгчийг ямар нэгэн өөр сонголтгүйгээр хөдөлмөрийн хөлсний доод хэмжээгээр буюу 192400 төг­рө­гийн торгуулийн арга хэмжээ авч байгаа юм байна.