Нийслэлийн жижиг дунд үйлдвэрлэгчдэд таван тэрбумтөгрөгийн зээл олгох шийдвэрийг өчигдөр НИТХ-ын тэргүүлэгч шийдвэр гаргалаа.

Жилийн таван хувийн хүүтэй зээлийг “Капитал”банкаар дамжуулан олгоно. Улаанбаатар хотын иргэдийг сүүгээр хангахын тулд нийт зээлийн 70 хувийг сүү сүүн бүтээгдэхүүн үйлдвэрлэгчдэд хүртээх юм.

Харин 30 хувийг нь импортыг орлох, экспортыг нэмэгдүүлэх төсөл хөтөлбөрт зарцуулна. Таван жилийн хугацаатай 50-500 сая төгрөгийг нийслэлд үйл ажиллагаа явуулж байгаа жижиг дунд үйлдвэрлэл эрхлэгчдэд олгоно. Маргаашнаас эхлээд ирэх сарын 18-ыг хүртэл зээл хүсэгчдийн материалыг “Капитал” банкан дээр авна гэж холбогдох албаны хүн хэллээ