УИХ-ын гишүүн, УИХ дахь МАН-ын бүлгийн дэд дарга Д.Оюунхорол Төрийн ордонд Английн Хөдөлмөрийн намын мэдээлэл харилцааны зөвлөх хатагтай МакГэйрийг хүлээн авч уулзлаа.

Уулзалтын эхэнд УИХ-ын гишүүн Д.Оюунхорол Английн Хөдөлмөрийн нам болон МАН-ын хамтын ажиллагаа сүүлийн жилүүдэд идэвхтэй өрнөж байгаад талархлаа илэрхийлээд хоёр намын хамтын ажиллагаа шинэ агуулгаар баяжин улам бүр өргөжин хөгжинө гэдэгт итгэл төгс байгаагаа илэрхийлээд, цаашид хэрхэнд хамтран ажиллах талаар санал солилцов.