УИХ дахь АН-ын бүлгийн гишүүн Г.Баярсайхантай ярилцлаа.

-Төрийн ордон эл хуль оргиж УИХ-ын гишүүд бүгд л хүлээлтийн байдалтай байна. Янз нь та ч гадагшаа гарах гэж байгаа бололтой. Энэ байдлаас хурдхан гарах арга зам харагдана уу?

-УИХ-ын гишүүдийн ирц хүрэлцэхгүй байгаатай холбогдон чуулган цуцлагдлаа. Өнөөдөр цугласан гишүүдийг харахад . МАН-ынхнаас нэг ч хүн үзэгдэхгүй байна. Үүссэн нөхцөл байдалд дүгнэлт хийхэд Монгол Улсын нийтлэг эрх ашиг гэдэг ганцхан том зүйлээ урдаа тавиад ойлголцох нь л чухал байна.

-Үдээс хойш УИХ-ын нэгдсэн чуулган хуралдах тов зарлагдсан уу?

-Одоогоор зарлагдаагүй байна.

- Та бүлгийн хурал дээрээ өөр саналтай байж, Д.Ганбат гишүүний нэрийг Ерөнхий сайдад санал болгосон. Одоо ч энэ байр суурин дээрээ зогсож байгаа юу?

-Миний хувьд АН-ын бүлэг дээр ҮЗХ-ны шударга өрсөлдөөнөөр ялсан хүнийг дэмжинэ гэдгээ хэлсэн. Тэгээд Р.Амаржаргал, Ч.Сайханбилэг хоёр ил тод, нээлттэй өрсөлдсөн. Энд ямарваа нэгэн бүлэг, фракц хор найруулаагүй. Хоёр нэр дэвшигч гар бариад « Уначихаад уйлахгүй шүү» гээд л санал хураалт явагдсан. ҮЗХ-ноос ялсан нэр дэвшигч дараа нь бүлгээр орсон. Ийм л үйл ажиллагаа болоод өнгөрсөн.

-Одоо Ч.Сайханбилэг гишүүн Төрийн байгуулалтын байнгын хороо болон, УИХ-ын чуулган дээр олонхийн санал авч чадалгүй унавал яах вэ?

-Одоо унах тухай ярихад эрт байна. УИХ-аар оруулаад баталъя гэхээр гишүүдийн ирц бүрдэхгүй байгааг та бүхэн харж л байна шүү дээ.

Г.Баярсайхан: Улсын нийтлэг эрх ашгийг урдаа тавиад ойлголцох нь л чухал байна