2014.12.01

Г.Баасан: Ахмадын хуулинд үндсэн хуулийг ноцтой зөрчсөн заалт бий

Хууль эрх зүйн тухай мэдээллийг хүргэдэг “Эрх зүйн хөтөч” нэвтрүүлэгт Монголын чөлөөт ахмадын холбооны тэргүүн Г.Баасан оролцов.

2005 онд батлагдсан Ахмад настны нийгмийн хамгааллын хуулинд нэмэлт өөрчлөлт оруулах ямар шаардлага гарсан бэ ?

Энэ хууль маань батлагдаад есөн жил болсон байна. Гэтэл энэ хугацаад хуулийг мэдсэн хүн бага, хэрэгжилт ч мөн ялгаагүй байна. Учир нь хууль батлагдсан тухай мэдээлэл хөдөө орон нутагт байхгүй байна.

Харин өөрчлөх болсон шалтгаан нь гэвэл Монгол улс маань НҮБ-ын гишүүн, ардчилсан орон. Түүнчлэн олон улсын ахмадуудын тухай бичиг, баримтуудад элсэн орсон байдаг.

Энэ нь 1982 оны “Өндөр настны эрхийг хамгаалах” гэсэн бичиг, 1991 оны “Ахмад настны зарчмууд” гэх мэт бүгдийг манай улс зөвшөөрсөн байдаг.

Тиймээс Олон улсын ахмадуудын эдэлж байгаа эрхийг монголын ахмадууд эдлэх хэрэгтэй гэж бодож байгаа учраас үүнийг өөрчлөх хэрэгтэй байна.