УИХ-ын Байнгын хороодын дарга нарыг томилоод дуусаж байна. Байнгын хорооны дарга нарыг жилд нэг өөрчилдөг юм.

Энэ удаа зарим байнгын хорооны дарга улирч байна. Тэдний нэг нь Нийгмийн бодлого, боловсрол, соёл, шинжлэх ухааны байнгын хорооны дарга Д.Батцогт. Тэрбээр 2012 оны сонгуульд МҮАН-аас нэр дэвшин сонгогдож, “Шударга ёс” эвслийн бүлгийн гишүүнээр ажиллаж байсан.

Хэдхэн сарын өмнө намаа сольж, АН-д элсээд байгаа юм. Эвслийн квотоор эрхэм гишүүн дээрх Байнгын хороог даргалж байв. Намаасаа гарсных нь дараа “Д.Батцогт одоо Байнгын хорооны даргын албаа өгөх байх” гэсэн хүлээлт, асуулт байсан ч “Шударга ёс”-ынхон “хаялгатай” загнаж хэл ам хийгээгүй. Тэгж байтал засаг төр үймээд түүнийг анхаарахтай манатай болсон юмдаг.

Тэгвэл шинэ хуваарилалтаар дээрх Байнгын хороо АН-ын квотод багтжээ. Нэгэнт Байнгын хорооны дарга нь АН-д элсчихсэн учраас солих шаардлага гарсангүй. Ингээд Д.Батцогт улирав. МҮАН-д ч байсан, АН-д ч орсон НББСШУ-ы байнгын хорооны даргын албан тушаал түүнтэй хамт байх юм даа.