Болзошгүй аюул, ослын үед иргэд өөрийгөө болон бусдыг авран хамгаалах, урьдчилан сэргийлэх мэдлэг, дадал олгох сургалтыг Соёл урлагийн их сургуулийн багш, ажилчдын хүсэлтээр  Онцгой байдлын ерөнхий газраас зохион байгууллаа.

Сургалтанд тус сургуулийн нийт 100 гаруй багш, ажилчид хамрагдав.

Сургалтаар Гамшиг, аюулт үзэгдэл, технологийн холбогдолтой ослын ерөнхий ойлголт, Эрт зарлан мэдээ дамжуулах системийн талаарх танилцуулга, Гал түймрийн аюулаас урьдчилан сэргийлэх арга замууд, Амилуулах суурь тусламж зэрэг сэдвээр Гамшгаас урьдчилан сэргийлэх газрын дарга, онцгой байдлын хурандаа Б.Ууганбаяр, Гамшгийн шуурхай удирдлагын газрын ахлах мэргэжилтэн, онцгой байдлын дэд хурандаа Л.Энхболд, Гал түймэртэй тэмцэх газрын ахлах мэргэжилтэн, онцгой байдлын дэд хурандаа А.Алтанбагана, Гамшгийн шуурхай удирдлагын газрын мэргэжилтэн, онцгой байдлын ахмад Д.Хонгор нар хичээл заалаа.