УИХ-ын гишүүд сонгогдсон тойрог Говь-Алтай аймагт ажиллаад ирлээ. Байгалын аюулт үзэгдэл болж, гамшигт нэрвэгдсэн Цээл сумын иргэд дээр биечлэн очиж, эмгэнэл илэрхийлэн, хагацал гашуудлыг нь хуваалцсан юм. Тэдэнд сэтгэл санааны дэм болж, ирээдүйн амьдралд нь тус болох үүднээс нутгийн иргэдээс мөнгөөр нь худалдан аван 1000 эх малыг өглөө. Ингэснээр гамшигт алдсан мал сүргийн 70 гаруй хувь нь төлөгдөж байгаа юм.

Мөн Ж.Энхбаяр гишүүн аймгийн иргэдийнхээ эрүүл мэндийн үйлсэд өөрийн хувь нэмрээ оруулан хувийн зүгээс хоёр автомашин аймгийнхаа Нэгдсэн эмнэлэгт бэлэглэлээ.

Говь-Алтай аймгийн хамгийн отгон сум болох Халиун сумын 50 жилийн ой болж. Үүнд эрхэм гишүүн оролцолоо. Ойн арга хэмжээ сайхан болж өнгөрлөө.