Батлан хамгаалах салбарт олон жил, үр бүтээлтэй ажиллаж Улаанбаатар хотын хөгжил цэцэглэлтэд хувь нэмэр оруулж байгаа албан хаагчдыг Ерөнхийлөгчийн зарлигаар Цэргийн хүндэт медаль, Батлан хамгаалах сайдын тушаалаар “Дайчин алдар-1,  медаль”, “Эх орны төлөө-1,  хүндэт тэмдэг”, НИТХ- ын хүндэт үнэмлэх, “Нийслэлийн тэргүүний ажилтан” цол, тэмдэг, нийслэлийн Засаг даргын жуух бичгээр 23 хүнийг шагналаа.

Уг арга хэмжээд НИТХ-ын дарга Д.Баттулга, НЗДТГ-ын дарга Ё.Гэрэлчулуун, Цэргийн штабын дарга, хурандаа Ж.Болдбаатар нар оролцов. Албан хаагчдад шагнал гардуулах үеэр НИТХ- ын дарга Д.Баттулга Өнөөгийн нийслэлийн удирдлагууд цэрэг, батлан хамгаалахын ажил үйлсийг дэмжиж, шинэ шатанд гаргахын төлөө хичээн ажиллаж байна. Нийслэл, дүүргийн цэргийн штаб, анги нэгтгэлүүд хичээл зүтгэлтэй ажиллаж байгаа. Цаашид цэргийн үйл ажиллагаа улам өргөжин сайжирна гэдэгт итгэж байна” гэв.