Бүтээн байгуулалтын түүхэн хуудсын 90 шахам жилийг бичилцэж ирсэн нийслэлийн МАН-ын хорооны 90 жилийн ой ирэх сард тохионо. Ойгоо угтсан шинэлэг ажлуудыг нийслэлийн өнцөг булан бүрт өрнүүлж байна.

Сүхбаатар дүүргийн 130 дугаар үүрийн залуучууд 90 жилийн ойгоо тохиолдуулан “Дөрвөн Б" хөтөлбөрийг хэрэгжүүлж эхлээд байна. Гишүүдийнхээ бүтэц, бүрэлдэхүүнийг аравтын зохион байгуулалтад оруулж, бүртгэлээ цахимжуулах, залуучуудын чөлөөт цагийг зөв боловсон өнгөрүүлэх соёл, спортын ажлуудыг зохион байгуулж байх, үүрийн байртай болох зэрэг ажлууд хөтөлбөрт багтжээ.

Тус үүрийн дэд дарга Н.Батхуяг хөтөлбөрөө Нийслэлийн намын хорооны дарга Ц.Сандуйд танилцууллаа. Мөн 90 жилийн ойг тэмдэглэн өнгөрүүлэх ажилд амжилт хүсч, үүрийн гишүүдээ төлөөлөн 150000 төгрөгийн мөнгөн хандив гардуулжээ.