Хэн юу хэлэв?

Шадар сайд М.Энхболд:

-Ерөнхий сайдын захирамжаар аж ахуйн үйл ажиллагаа эрхлэх тусгай зөвшөөрөл олгож буй өнөөгийн нөхцөл байдлыг судалж, хөнгөлөлт үзүүлэх арга хэмжээг авч хэрэгжүүлэх ажлын хэсэг байгуулсан. Ажлын хэсэг 11 яам, 25 агентлагаас ирүүлсэн 337 зөвшөөрлөөр жагсаалт гаргаж, үүний 101-ийг нь бизнес эрхлэгчдээс цаашид шаардахааргүй боллоо. Хүчингүй болгохоор шийдвэрлэсэн болон төрийн бус байгууллагад шилжүүлсэн эдгээр 101 төрлийн зөвшөөрөл нь нийт зөвшөөрлийн гуравны нэг буюу 35 хувьтай тэнцэж байгаа. Хуулийн хүрээний тусгай зөвшөөрлүүдийг хүчингүй болгох саналыг он гарангуут УИХ-д өргөн мэдүүлнэ. Нийт 21 хуульд нэмэлт, өөрчлөлт оруулах шаардлага бий.