Эмч нарын баярын өдөр тохиож байна. 1991 оноос эхлэн энэ өдрийг дэлхий дахинаар тэмдэглэдэг болсон гэдэг. Баярын өдрийг тохиолдуулан Эрүүл мэнд, спортын сайд  салбарын хамт олондоо баярын мэндчилгээ дэвшүүлсэн байна.

1933 онд Америк эмч мэдээгүйжүүлэх тариа хэрэглэн хагалгаа хийсэн анхны тохиолдол бүртгэгджээ. Хоолойн хавдрыг авах мэс ажилбар амжилттай болсон гэж тэмдэглэн үлдээсэн байдаг. Шинэ нээлт болон бүртгэгдсэн энэ тохиолдлыг хожим нь 1991 онд баталгаажуулж АНУ-ын ерөнхийлөгчийн дэмжлэгтэйгээр 3-р сарын 30 ны энэ өдрийг эмч нарын өдөр болгон тэмдэглэдэг болжээ.

Эрүүл мэнд, спортын сайд Г.Шийлэгдамба:  Эрүүл мэнд спортын сайдын хувьд  энэ салбарт ажиллаж байгаа нийт эмч нар, эрүүл мэндийн салбар дахь хамт олон, өнөөдөр улс орны нийгэм эдийн засгийн нөхцөл байдал төдий сайнгүй байгаа ч гэлээ энэ салбарт алдах эрхгүй хариуцлага үүрч ард түмнийхээ эрүүл энхийн манаанд өргөсөн тангарагтаа үнэнч ажиллаж байгаа бүх эрүүл мэндийн салбарынхандаа энэ баярын мэндийг хүргэж байна.