Хүнсний худалдаа эрхлэгчдийн холбооноос тамхины хяналтын тухай хуулийг цуцлуулах хүсэлт гаргажээ. Тэд уг хуулийг хүчингүй болгохыг дэмжсэн 1000 гаруй иргэний гарын үсэг бүхий өргөдлийг тус хорооны дарга О.Баасанхүүд өгсөн байна.

Өргөдөлд Согтууруулах ундааны хяналтын тухай хуулийн төслийг УИХ-аар хэлэлцүүлэхгүй байх, Тамхины хяналтын тухай хуулийг хүчингүй болгуулах хүсэлтүүдийг тусгажээ.

Харин Өргөдлийн байнгын хорооны дарга О.Баасанхүү "Согтууруулах ундааны хяналтын тухай хуулийн төслийг санаачлагч нь эргүүлэн татсан бөгөөд УИХ-д өргөн баригдаагүй хуулийн төсөлтэй холбоотой өргөдөл гомдлыг шийдвэрлэх боломжгүй болохыг тайлбарласан байна.

Гэхдээ Тамхины хяналтын тухай хуулийн хэрэгжилтэд хяналт тавих ажлыг хийх асуудлыг Байнгын хорооны зүгээс судлана гэдгээ мэдэгджээ.

Мөн Хүнсний худалдаа эрхлэгчдийн холбооны төлөөллүүд УИХ-ын баталсан зарим хууль, тогтоомж нь хүнсний худалдаа эрхлэгчдийн эрх ашгийг зөрчих тохиолдол гарч байгаа бөгөөд энэ удаа согтууруулах ундааны хяналт болон тамхины хяналттай холбоотой шийдвэрүүдийн талаарх санал, хүсэлтээ нэгтгэсэн байна.

Хүнсний худалдаа эрхлэгчдийн эрх ашгийг хамгаалах зорилготойгоор байгуулагдсан ту холбоо нь 7 жил тасралтгүй үйл ажиллагаагаа явуулж аж.

Тамхины хяналтын тухай хуулийг хүчингүй болгохыг хүсчээ