Дэлхийн хэвлэлийн эрх чөлөөний өдрийг тохиолдуулан “Глоб Интернейшнл” төв, “Нээлттэй нийгэм форум”, МСНЭ хамтран дугуй ширээний ярилцлагыг зохион байгуулсан юм.

Ярилцлагад “Онлайн эрх чөлөө эвсэл”-ийн Сайд нарын V бага хуралд оролцохоор ирсэн зарим төлөөлөгч, УИХ-ын гишүүд, хуульч өмгөөлөгчид, хүний эрхийн ТББ- ууд, сэтгүүлч, хэвлэл мэдээллийн ажилтнууд, манай улсад ажиллаж буй олон улсын байгууллагын төлөөлөл оролцсон. Энэхүү уулзалтад УИХ- ын гишүүн Л.Болд оролцож үг хэлсэн нь анхаарал татсан юм. Тэрээр “...Миний бие Гадаад харилцааны сайдаар ажиллаж байхдаа “Онлайн эрх чөлөө эвсэл”-ийн Сайд нарын V Бага хурлыг Монгол Улсад зохион байгуулах санаачилга гаргаж, ийнхүү биеллээ олж байгаад баяртай байна. Монголын ардчиллын өнгөрсөн 25 жилд бид хэвлэлийн эрх чөлөөний салбарт том ололт амжилт олсон. Гэхдээ бүх юм сайхан болоогүй байна.

...Дэлхий дахинаа төдийгүй, Европт ч тэр, Монголд ч тэр, энэ эрх чөлөөнөөс хумслах, эсвэл энэ эрх чөлөөгөөр тоглох оролдлого тасралтгүй гарсаар . байна...” гэсэн юм. Гадаад харилцаа бол том батлан хамгаалах салбар гэдэг томъёоллыг Л.Болд Гадаад харилцааны сайдаар ажиллаж байхдаа нэлээд сайн авч хэрэгжүүлсэн байдаг. Тиймдээ ч 2016 онд Монголд болох АСЕМ- ын дээд хэмжээний чуулга уулзалтын эрхийг түүнийг сайдаар ажиллаж байх үед авсан. Мөн тэрээр “...гадаад харилцаа бол хамгийн үр ашигтай эдийн засгийн бодлого” гэж тодорхойлж байв.

Л.Болд сайдын үед Монгол Улс Европын Аюулгүй байдал, хамтын ажиллагааны байгууллагад гишүүнээр элсч, АСЕАН, АПЕК- т гишүүнээр элсэх асуудлыг тодорхой хэмжээнд урагшуулснаас гадна НҮБ-ын гишүүн 193 улстай бараг бүгдтэй нь дипломат харилцаа тогтоосон. Түүнчлэн хоёр хөршийн төрийн тэр- гүүний айлчлалыг хоёр долоо хоног хүрэхгүй хугацаанд хүлээн авч, гурван хөршийн тэргүүний гурван талт уулзалтыг анх удаа зохион байгуулсан гээд дипломат албанд томоохон ахицууд гарсан байдаг.

Хэвлэлийн эрх чөлөөнөөс хумслах, энэ эрх чөлөөгөөр тоглох оролдлого тасрахгүй байна