Данийн Засгийн газар бэлэн мөнгөөр төлбөр тооцоо хийхээс татгалзахыг худалдаачдад санал болгож байна. Ийнхүү ойрын ирээдүйд Скандинавын энэ орон дэлхийн анхны цаасан мөнгөгүй орон болж мэдэхээр байна

2016 он гэхэд Данийн жижиглэнгийн худалдааны цэгүүд, ресторанууд, ШТС-ууд болон бусад олон газарт бүх төлбөр тооцоог бэлэн бус хэлбэрээр хийдэг болох нь.

Засгийн газар эдийн засгийн хөгжлийг хурдасгаж, барааны өөрийн өртгийг багасгаж, бүтээмжийг дээшлүүлэх зорилгоор тусгай хөтөлбөр хэрэгжүүлж эхэлсэн. Данийн банкнуудын холбоо Finansrådet-ийн удирдлагуудын үзэж буйгаар бэлэн мөнгөнөөс татгалзах нь аюулгүй байдал болон бусад үйлдвэрлэлтэй холбоогүй зардлуудыг багасгахад тусална гэж үзэж байна.

Даничууд хэдийнэ цаасан болон зоосон мөнгөнөөс хөндийрч эхэлсэн байна. Бараг гурван хүн тутмын нэг нь Danske Bank-ийн хавсрага программ (application) болох MobilePay-г ашиглаж гар утсаараа бүх төлбөр тооцоогоо хийдэг.

Danske bank. Mobilepay

Энэ санааг ойшоохгүй зарим нэг нь бэлэн бус төлбөр тооцоо нь залиланг ихэсгэнэ гэж үзэж байна. Ингэхдээ тэд Шведийн жишээг татдаг. Нэг хүнд ногдох банкны шилжүүлгээр Европт дээгүүрт ордог Швед улсад сүүлийн 10 жилд банкны карттай холбоотой залилангийн хэрэг хоёр дахин өсчээ.

2013 онд Шведийн нэгэн банканд дээрэмчин дайран орч мөнгө дээрэмдэх гэтэл тэр банк нь бэлэн мөнгөгүй байсан аж.

Гэхдээ Danske Bank залилантай тэмцэх арга олж MobilePay-д байх хүн болгоны хувийн дансыг нийгмийн даатгалын дугаартай нь холбож өгчээ.

Мэдээж бэлэн тооцооноос татгалзах эсэхийг парламент шийднэ. Одоохондоо хэлэлцэх тов нь гараагүй байгаа. Ажиглагчид Дани шиг бэлэн бус төлбөр тооцоо өндөр хөгжсөн оронд энэ хуулийг батлахад хүндрэл гарахгүй гэж үзэж байна.

Скандинавын 5 орон тавуулаа бэлэн бус төлбөр тооцоогоороо өндөр үзүүлэлттэй. Бэлэн бус төлбөр тооцоог хамгийн ихээр таашаахгүй байгаа хүмүүс бол мэдээж гэмт хэрэгтнүүд. 2013 онд Шведийн нэгэн банканд дээрэмчин дайран орч мөнгө дээрэмдэх гэтэл тэр банк нь бэлэн мөнгөгүй байсан аж. Шведийн 6 том банкны 5 хэдийнэ бэлэн бус тооцоонд шилжжээ. Урьдчилсан таамгаар 2030 он гэхэд Швед улс бэлэн мөнгөнөөс бүр мөсөн татгалзах төлөвтэй байна.

Цаасан мөнгөгүй орон