2015 онд хийгдэх томоохон бүтээн байгуулалтуудыг нэрлэж байна

№1 2016 онд болох Ази-Европын 11 дэх дээд хэмжээний уулзалтад бэлтгэнэ.

AСEM буюу Ази-Европын 11 дэх дээд түвшний уулзалтыг 2016 онд Монгол Улс эх орондоо зохион байгуулах эрхийг аваад буй билээ. Иймээс ирэх 2015 онд уг уулзалтыг угтан Монгол улсадих бүтээн байгуулалтын ажил өрнөх юм. Тус уулзалтын бэлтгэл ажил 2015 онд хийгдэхнээ.

Asia-Europe Meeting /ASEM/ буюу Ази-Европын уулзалт нь Европын Холбооны 28 гишүүн ороны төлөөлөгчид, Европын 2, Азийн 21 ороны ерөнхийлөгчид, Европын Холбоо, АСЕАН-ы Нарийн бичгийн дарга нарын газар гэсэн нийт 53 улсууд болонбайгууллагуудыг нэгтгэдэг дэлхийн хэмжээний томоохон уулзалт юм. Уг уулзалтын хүрээг тодорхойлбол дэлхийн нийт худалдааны 60 гаруй хувийг эзэлдэг бөгөөд 2016 онд манай Монгол улсад зохион байгуулагдах үеэр АСЕМ-ийн 20 жилийн ой давхцаж байгаагаараа илүү ач холбогдолтой, онцлогүйл явдалболох юм. Тиймээс тус арга хэмжээг зохион байгуулахад төр, хувийн хэвшил, төрийн бус байгууллагууд, олон нийтийн оролцоо, харилцан уялдаа хамгийн чухал юм.

Мөн түүнчлэн 2016 онд УИХ-ын сонгууль болох бөгөөд үнтэй холбогдуулан орон нутгуудадтомоохонбүтээн байгуулалтын ажлууд өрнөх юм.

№2  Чингэлтэй, Хан-Уул, Баянгол дүүргүүдэд тус бүр 100 ортой 3 хүүхдийн эмнэлэг баригдана

2015 онд эмнэлэг байгуулах үндсэн чиг үүрэг нийслэл хүлээгээгүй ч одоогийн эмнэлгийн хүрэлцээ, нөхцөл байдал, иргэдээс авсан саналын дагуу нийслэлийн төсвөөр Чингэлтэй, Хан-Уул, Баянгол дүүрэгт тус бүр 100 ортойхүүхдийнэмнэлэг байгуулахаар болжээ. Мөн 2014 онд 88 сургууль цэцэрлэгийн өргөтгөл шинэчлэлийн ажилыг эхлүүлсэн бөгөөд эдгээрээс нэгбүрэн дундсургууль, хоёр бага сургууль,цэцэрлэгийн цогцолбор, 19 цэцэрлэг ирэх онд ашиглалтад орход бэлэн болсон байна.

2015 оны төсвөөс шинээр зургаан цэцэрлэг барьж, гурван цэцэрлэгт өргөтгөлийн ажилхийгдэх бол хоёр сургууль шинээр барьж, нэг сургуулийг өргөтгөн шинэчлэх юм байна. Харин Концессийн гэрээний дагуу 12 сургууль цэцэрлэг барихаар төлөвлөсөн бөгөөд гэр хорооллын дахин төлөвлөлтийн 24 байршлаас 20 байршилд тодорхой хэсгүүдэд дэд бүтцийн асуудлыг шийдвэрлэхэд, Жижиг дунд үйлдвэрлэлийг дэмжих төслийн Батлан даалтын сан, Нийслэлийн орон сууцны хөтөлбөрт хөрөнгө оруулалт хийх зэрэг ажлууд хийгдэх аж.

№3 Сургууль, цэцэрлэгүүдийн өргөтгөл, шинэчлэлийн ажлуудыг концессийн гэрээгээр гүйцэтгэнэ

Нийслэлийн ИТХ-ын 21 дүгээрээлжитхуралдаанаар 2015 онд Нийслэлд Концессын гэрээгээр хийж хэрэгжүүлэх ажлын жагсаалтыг баталсанбилээ. Уг жагсаалтанд дурдсанаар ирэх онд нийслэлд барилга байгууламж, орон сууц, Авто зам, тээвэр, Боловсрол, биеийн тамир, соёл урлаг, спорт, Эрүүл мэнд, Инженерийн дэд бүтэц гэх зэрэг нийт 37 зүйлийг салбар тус бүрээр нь хийхээр төлөвлөсөн байна.Концессын гэрээг тайлбарлавал концесс эзэмшигч нь өөрийн боломжоорооолсон хөрөнгөөр хуучин барилгыг буулгаж, түүний суурин дээр шинэ барилга барьж талбайн тодорхой хувийг нийслэлийн өмчид шилжүүлэн өгөх бөгөөд үлдсэн хэсгийг өмчлөн ашиглах юм.

Түүнчлэн түр оршин суух орон сууц төслийг Баянгол дүүргийн 20 дугаар хороо, Сонгинохайрхан дүүргийн 20 дугаар хороо, Хан-Уул дүүргийн 9 дүгээр хороо зэрэг 4 байршлын 900 айлын орон сууц барихаар төлөвлөжээ. Мөн Өлзийт хороолол–Шувуун фабрик чиглэлийн авто зам, Хотын төв–Зайсан, Зайсан–Манзушир хийд чиглэлийн Аялал жуулчлалын агаарын замыг барихаар болжээ.     

Налайх дүүргийн 5 дугаар хороонд 640 хүүхдийн сургууль, Баянгол дүүргийн 11 дүгээр хороонд “Сэтгэмж” сургуулийн барилгыг буулгаж, 640 хүүхдийн шинэ сургуулийг барих бөгөөд Хан-Уул дүүргийн 16 дугаар хороонд 640 хүүхдийн шинэ сургууль, мөн Хан-Уул дүүргийн 10 дугаар хороонд спортын төрөлжсөн сургалттай 920 хүүхдийншинэсургуулийн барилгыг барих юм. Баянзүрх дүүргийн 16 дугаар хороонд 21 дүгээр цэцэрлэгийн барилгыг буулгаж, 240 хүүхдийн цэцэрлэгийншинэбайр шинээр барих бол Сонгинохайрхан дүүргийн 22 дугаар хороонд 100 хүүхдийн хүчин чадал бүхий цэцэрлэгийн байр шинээр барих зэрэг ажлууд хийж гүйцэтгэх юм байна.

Түүнчлэн концессын гэрээгээр орчин үеийн урлагийн театр, Хан-Уул  дүүргийн 12 дугаар хороо, Чингэлтэй дүүргийн 19 дүгээр хороо, Сонгинохайрхан дүүргийн 24 дүгээр хороонд тус тус 60 ортой "Ахмадын сувилал" барих бөгөөд Концесс эзэмшигч өөрийн болон өөрийн боломжоор олсон хөрөнгөөр ахмадын сувилал барьж өмчилж ашиглах юм.

№4 Налайх дүүрэг шинэ нэгдсэн эмнэлэгтэй болно

Налайх дүүргийн 2 дугаар хороонд 300 ортой Нэгдсэн эмнэлгийн барилгыг мөн л концессын гэрээгээр барьж ашиглалтанд оруулах бөгөөд мөн Налайх дүүргийн 2-р хороонд хуучин нэгдсэн эмнэлгийн барилгын хашаанд шинээр барилга барьж, нийслэлийн өмчид шилжүүлэх юм байна. Мөн Сонгинохайрхан дүүргийн 7 дугаар хороонд 3000 м3-ын хүчин чадалтай Цэвэрлэх байгууламжийг ирэх онд ашиглалтанд оруулах ажээ.

№5 Оршуулгын газрыг цэцэрлэгт хүрээлэн болгоно

Чингэлтэй дүүргийн 5, 6 дугаар хороонд байрлах “Самбалхүндэв”-ийн оршуулгын газарт Дурсгалын цэцэрлэгт хүрээлэн байгуулж, нийслэлийн өмчид шилжүүлнэ. Мөн гэр хороололд ахуйн үйлчилгээний төв барих бөгөөд концесс эзэмшигч нь өөрийн хөрөнгөөр зураг төслийг боловсруулж, барилгын ажлыг гүйцэтгэж, ашиглалтад оруулан, гэрээнд заасан нөхцлөөр ашиглаж, нийслэлийн өмчид шилжүүлэх юм байна.

№6  Түлэнхийн төвийн барилга энэ онд ашиглалтанд орно

Улсын хэмжээнд ганцхан байдаг Түлэнхийн төв балгас болж нурсны улмаас үүд хаалгаа бариад удаж байгаа билээ. Уг эмнэлгийг шинээр барьж, ашиглалтад оруулна гэж ярьсаар байтал гурван он дамнаж буйг ард иргэд эмзэглэн хүлээж суудаг. Уг нь шинээр баригдах долоон давхар, хамгийн сүүлийн үеийн тоног төхөөрөмжтэй арьсны түлэгдсэн, хөлдсөн гээд нөхөн сэргээх, судас, арьс, яс шилжүүлэн суулгах бүхий л төрлийн эмчилгээг хийх шинэ эмнэлгийг барина хэмээн яригдаад буй билээ.

Ирэх жилийн улсын төсөвт Түлэнхийн төвийг барих төсөв мөнгийг суулгасан бөгөөд эрүүл мэндийн сайд асан Н.Удвал “2015 онд шинэ объект төлөвлөлтөд цөөн орсон. Засгийн газраас шинэ объектыг оруулах боломжгүй. Хуучин эхлүүлсэн барилгуудаа дуусгах шаардлагатай. Шинэ хөрөнгө оруулалтыг төсвийн ачаалал даахгүй байгаа. Харин Түлэнхийн төвийг 2015 оноос эхлэн барина” гэж хэлсэн билээ.

№7 100 мянган тонны хүчин чадалтай шинэ арматурын үйлдвэр ашиглалтанд орно

Манай улсын арматурын жилийн хэрэглээ 210 мянган тонн байдаг бөгөөд 30% ньбуюу 70 мянган тонныг дотооддоо үйлдвэрлэдэг ба 140-150 мянган тонныг нь гаднаас импортолдон авдаг байна. Бүтээн байгуулалтын ажил эрчимжсэн өнөө үед арматурын хэрэгцээ жилд 200-300 мянгад хүрнэ гэсэн судалгааг мэргэжлийн байгууллагынхан гаргаад буй билээ. Иймд “Бэрэн групп” компанижилд100 мянган тонн арматур болон ган, төмөр бүтээгдэхүүн үйлдвэрлэх хүчин чадалтай үйлдвэрийг Эрдэнэт хотод барихаар төлөвлөсөн байна. Барилгын ажил эхэлсэн бөгөөд 2015 онд ашиглалтад орох аж.

№8 Монголын анхны нүүрсний хий боловсруулах үйлдвэртэй болно

“Эрдэнэс-Тавантолгой” компанийнхан газрын гүний 700 метрээс доош нүүрсний давхаргад өндөр чанартай хий хуримтлагдсан байгааг тогтоогоод байгаа бөгөөд Өмнөговь аймгийн Цогтцэций суманд нүүрсний хий боловсруулах туршилтын үйлдвэрийг энэ ондбарихаар төлөвлөсөн байна.

Уг хий боловсруулах туршилтын үйлдвэрийн тоног төхөөрөмжийг БНСУ-д угсарч байгаа бөгөөд ирэх оны дөрөвдүгээр сард ашиглалтад оруулах гэнэ. Төслийг Солонгосын “Korea Gas Corporation” Монголын өрөмдлөгийн “Элгэн” ХХК-тай хамтран хэрэгжүүлэх юм байна. Талуудэнэ оны гуравдугаар сарын 24-ний өдөр хамтран ажиллах санамж бичигт гарын үсэг зурж, Монгол Улсад анх удаа нүүрсний давхаргын метан хийг боловсруулах үйлдвэр байгуулахаар ажилдаа оржээ.