Улс төрийн ууган хүчин Монгол   ардын  намаас "Бид хамтдаа"аяныг  эхлүүлээд удаагүй байна.    Монгол орны бүх   аймаг, сум дүүрэг цаашлаад айл өрх бүрт хүрч хэрэгжих аяны хүрээнд МАН- аас айл өрх, иргэн бүрт хандан захидал илгээж байгаа билээ.

Иргэд, сонгогчид ирсэн захидлын хариуд оршин суугаа орон нутагт нь тулгамдаж буй асуудал, улс орны нийгэм, эдийн засгийн байдалд нөлөөлөх, цаашид хийж хэрэгжүүлбэл зохих санал санаачилга, шийдлээ хариу захидал болгон илгээх боломжтой юм. Улмаар ард түмнээс авсан саналыг ажил хэрэг болгох үүднээс МАН-аас аймаг, орон нутаг, сум дүүрэгт нь уулзалт хэлэлцүүлэг зохион байгуулж тэдэнтэй зөвлөлдөж, асуудлыг шийдэх арга зам, боломжийг судалсны үндсэн дээр 2016 оны УИХ болон Орон нутгийн сонгуулийн мөрийн хөтөлбөртөө тусгах зорилготой аж.

Орон даяар, зургаан сар үргэлжлэх аяны эхлэлийг МАН-ын Ерөнхий нарийн бичгийн дарга Ж.Мөнхбат, УИХ-ын гишүүн Я.Содбаатар нар түүчээлэн нийслэлийн Чингэлтэй, Налайх дүүрэгт ажиллаж  гишүүд дэмжигч, иргэдтэй  уулзлаа. Налайх дүүргийн хувьд хүн ам жилээс жилд өсөн нэмэгдэж буй. Хотын статустай болсон Налайх асуудал  мундахгүй   байгаа тухай ахмад буурлууд учирлаж байв.

Жишээлбэл, өндөр настан Е.Ибраким гуай 30 орчим жил уурхайд     ажилласан  ч 280 мянган төгрөгийн тэтгэвэр авдаг нь ахуй амьдралд нь хаанаа ч хүрдэггүй гэв. Гэр бүлийн хүн Г.Сайлову нь казах үндэстний өв уламжлал болсон хувцас, эд эдлэл урладаг ба бизнесээ өргөжүүлж банкнаас зээл авахыг хүссэн ч тэтгэвэрийн зээлтэй болохоор боломжгүй гэх хариу сонсчээ.

Угтаа зээл авч бизнесээ өргөжүүлж чадвал дагаад дөрвөн ч хүнийг ажлын байраар хангах боломжтой аж. Энэ мэт иргэд, сонгогчдын зүгээс цөөнгүй асуудлыг гишүүдэд уламжилснаас тэтгэврийн тухай асуулт санал голчилж байв. Монгол Улсын хэмжээнд нийт ахмадын 90 орчим хувь нь тэтгэврийн зээлтэй гэдэг. УИХ-ын гишүүн Я.Содбаатар МАН-ын гишүүд санаачлан тэтгэврийн ' зээлийн хүүг бууруулах хуулийн төслийг их хуралд өргөн барьсан, судалж үзэх ажлын хэсэг гарсан тухай дуулгасан юм.

Ажлын хэсэг тэтгэврийн зээлийн хүүг бууруулах, давхар зээл авахад хүү давхар тооцохыг болиулах, зарим тэтгэвэр тогтоолтыг эргэн харах, хүнд, хортой нөхцөлд ажиллаж байсан хүмүүсийн тэтгэврийг дахин тогтоох тухай асуудлыг судалж үзэж байгаа аж. Налайх дүүрэг л гэхэд уурхайд ажиллаж байсан 832 хүн нөхөн төлбөр аваагүй байгаа тухай тэрээр 'хэлсэн үгэндээ дурдсан.

Харин МАН- ын Ерөнхий нарийн бичгийн дарга Ж.Мөнхбат "Эдийн засгийн хямралаас гарах, Үндсэн хууль, Сонгуулийн тухай хууль, Оюутолгой, Тавантолгой зэрэг улс орны амин чухал асуудлыг иргэд болон улс эх орны эрх ашигт нийцтэйгээр хэрхэн шийдэх гарцыг "Бид хамтдаа" аянаар хайж байна.

Энэ аянаас ирсэн захиа даалгавар, санал шүүмж, хүсэлт бүгдийг МАН-ын 2016 оны сонгуулийн мөрийн хөтөлбөрт тусгах зорилготой. Асуудпыг албан тасалгааны цонхоор харах биш ард түмэнтэйгээ уулзаж, гүнд нь орж ойлгох ёстой" хэмээн онцолсон.