Монгол Улсын ерөнхийлөгчийн мөрийн хөтөлбөрийн дагуу хэрэгжиж байгаа “Оюутан цэрэг” хөтөлбөр амжилттай хэрэгжиж 2 дахь жилдээ үргэлжилж байна.

Энэ жилийн “Оюутан цэрэг” хөтөлбөрт 66 их, дээд сургуулийн 1000 гаруй оюутан хамрагдаж, 7 их, дээд сургууль дээр зургаан бүлгээр онолын мэргэжил сургалт явуулсан байна. Цэргийн мэргэжлийн бэлтгэл сургалт өнгөрсөн 6-р сарын 15 наас эхэлсэн бол энэ сарын 12-нд Чингисийн талбайд тангараг өргөснөөр өндөрлөнө. “Оюутан цэрэг” хөтөлбөрийг хэрэгжүүлснээрЗэвсэгт хүчний дайчилгааны бэлтгэл үүрэгтний нөөц нэмэгдэж, улс орноо батлан хамгаалах иргэдийн бэлтгэл сайжирч, их дээд сургуулийн төгсөгчид Төрийн албанд орж ажиллах нөхцөл бүрдэх бөгөөд оюутан залуус их, дээд сургуульд суралцах хугацаандаа, цэргийн ерөнхий бэлтгэл, цэргийн тусгай бэлтгэл сургалтанд хамрагдах замаар цэргийн жинхэнэ албыг биеэр хаах боломж бүрдэж байна.

Тус арга хэмжээнд Батлан хамгаалахын сайд Ц.Цолмон, ЗХЖШ-ын дарга, хошууч генерал Д.Даваа “Оюутан цэрэг” хөтөлбөрийн ерөнхий зохицуулагч Г.Мягмаржав , Хүүхдийн төлөө үндэсний газрын дарга И.Нарантуяа болон их, дээд сургуулийн захирал нар оролцлоо.

Хүүхдийн төлөө үндэсний газар

Хүүхдийн төлөө үндэсний газрын дарга "Оюутан цэргүүд"-тэй уулзлаа