Яг одоо монголын улс төрд хоёрхон асуудал голлож байгаа нь Өршөөлийн хуулинд тавьсан Ерөнхийлөгчийн хориг болон Засгийн газрын зургаан сайдыг эргүүлэн томилох тухай. Эдгээр асуудлаас болж ээлжит бус хуралдах уу эс хуралдах уу гэдэг нь одоог хүртэл чимээ сураггүй.

Ямар “Тааж мэддэг таван хаан биш”. Гэхдээ нэг сураг гарсан нь Нэр бүхий зургаан сайдыг ирэх есдүгээр сарын 6-ний дотор багтаан нөхөн томилох хуулийн хугацаа байгааг сануулсан албан тоотыг УИХ-ын дарга З.Энхболд Ерөнхий сайд Ч.Сайханбилэгт хүргүүлсэн. Хуульд зааснаар Ерөнхий сайд, Засгийн газрын гишүүн ороод гарсан тохиолдолд УИХ 30 хоногийн дотор түүнийг нөхөн томилно хэмээн заасныхаа дагуу

Тиймээс УИХ-ын дарга бүрэн эрхийнхээ хүрээнд ээлжит бус чуулганыг есдүгээр сарын 6-наас өмнө зарлах болоод байна. Хэрвээ ээлжит бус зарлагдсан нөхцөлд зургаан сайдыг нөхөн томилохоос гадна Өршөөлийн хуульд тавьсан Монгол Улсын  Ерөнхийлөгчийн хоригийг мөн хэлэлцэнэ.

Түүнчлэн Ерөнхийлөгчийн хоригтой өөр нэг мэдээлэл цахим сайтуудаар гарсан нь Авлигатай тэмцэх олон улсын нэр хүндтэй байгууллага болох “Транспаренси Интернэшнл” буюу Ил тод байдлын олон улсын байгууллагын Нарийн Бичгийн Дарга Нарын Газраас дараахь мэдэгдлийг орчуулан олон нийтэд хүргэсэн. Уг мэдэгдэлд “Монгол Улсын Ерөнхийлөгч асан Н.Энхбаяр, Ерөнхий сайд асан Н.Алтанхуяг болон Авлигатай Тэмцэх Газарт шалгагдаж байсан бусад улстөрчид Өршөөлийн хуулийг батлуулахын төлөө ажиллаж байгаа юм.

Учир нь энэ хуулийг батлуулснаар тэдний гэмт хэргийн түүх цагаадаж, улс төрийн карьераа улам үргэлжлүүлэн хөөх боломж нь нээгдэх учиртай” хэмээсэн бол өөр нэг хэсэгт УИХ-ын дарга З.Энхболд энэхүү хэл амтай байгаа Өршөөлийн хуулийг батлуулахыг дэмжиж байгаа.

Мөн экс Ерөнхий сайд Авлигатай тэмцэх газрыг татан буулгах хуулийн санал боловсруулан өргөн байриад байгаа юм” гэж мэдэгджээ. Өчигдөр ил гарсан тус олон улсын байгууллагын гэнэтийн мэдэгдэл цахим ертөнцийг нилээд шуугиуллаа.

Учир нь тэдний хардаж байгаа эрхмүүдэд монголын улс төрийн акулуудын нэрс явж байгаа нь нилээд хардлага төрүүлээд байгаа юм.

Гэхдээ маш олон хоног сунжирсан эдгээр асуудлыг тойрсон хор найруулалтууд удахгүй ил болох нь тодорхой. Хэдийгээр сэтгүүлчдэд хэлэхдээ “ Хурдан сайд нарыг томилох хэрэгтэй, Эсвэл засаг огцор” хэмээн амтай болгонууд хэлж байгаа ч хачиртаа цаг хожиж байгаа л төдий зүйл юм.

Тэгэхээр дуншсанаараа ээлжит бус нь зарлагдаад хурдхан танхимаа бүтэн болгоод ажиллахын Ч.Сайханбилэг Ерөнхий сайдад нэр хүндэд ч тустай зүйл болно. Харин одоогийнх шигээ гэдийгээд байвал ч улам доошлох байх даа.