Бүтээлч Хан-Уулчуудын бүтээн байгуулалт үргэлжилсээр
Хан-Уул дүүрэг
2015.09.08

Бүтээлч Хан-Уулчуудын бүтээн байгуулалт үргэлжилсээр

     Хан-Уул дүүргийн зүгээс дүүргийнхээ түүхт 50 жилийн ойг угтаж олон бүтээн байгуулалтын ажлыг хэрэгжүүлж байгаагийн нэг нь  8-р хорооны нутаг дэвсгэр 5300м2 хогийн цэг байсан газарт 2014 оны дүүргийн төсвийн хөрөнгө оруулалт 605,355,759 төгрөгөөр цэцэрлэгт хүрээлэн барих ажлыг эхлүүлсэн явдал юм.

Уг цэцэрлэгт хүрээлэн нь хүүхдийн тоглоомын талбай, саравч, бялдаржуулах төхөөрөмж зэрэг иргэдийн хэрэгцээ шаардлагыг бүрэн хангасан орчин үеийн загвартай  болсон төдийгүй гэр хороолол дундах анхны иж бүрэн цэцэрлэгт хүрээлэн болж чадлаа.

өмнө нь

Цэцэрлэгт хүрээлэнгийн нээлтийг 2015 оны 09 сарын 07-ны 20:00 цагт хийж иргэдэд хүлээлгэн өглөө. Нээлтийн ажиллагаанд Нийслэлийн засаг даргын хөдөлмөр эрхлэлт, нийгмийн хамгааллын асуудал хариуцсан орлогч Ц.Буяндалай, Хан-Уул дүүргийн ИТХ-ын дарга Д.Батбилэг, Засаг даргын орлогч Т.Чингүнжав,  С.Баасандолгор, Хан-Уул дүүргийн Засаг даргын Тамгын газрын дарга Д.Бат-Очир, 8-р хорооны Засаг дарга Ё.Цацралтуяа, дүүргийн иргэдийн хурлын төлөөлөгчид хэлтэс албадын дарга нар оролцлоо.

дараа нь