Хөдөлмөрийн сайдын хувиар хамгийн түрүүнд ямар ажлуудыг хийж амжуулах вэ гэсэн асуултад Г.Баярсайхан сайд дараах хариултыг өгсөн юм.

"Малчдыг дэмжих хөтөлбөр, залуучуудыг ажлын байраар хангах, хувиараа хөдөлмөр эрхлэгчдийг дэмжих хөтөлбөр гэх мэт 5 хөтөлбөр бий. Эдгээрийг эрчимжүүлэх зайлшгүй шаардлага бий. Манай улсын эдийн засаг хүнд байна. Сая дурдсан төслүүд Хөдөлмөр эрхлэлтийг дэмжих сангаас санхүүждэг. Манай улсад гадаадаас ирж ажиллан, төлбөр төлдөг гадаад мэргэжилтэн, ажилтнуудын төлбөрөөс Хөдөлмөр эрхлэлтийг дэмжих сан санхүүждэг. Одоогоор энэ санд төвлөрдөг орлого тасалдалтай байна. Цаашид энэ санг хэрхэн санхүүжүүлэхэд түлхүү анхаарна.

Төрийн албан хаагчдын төр засгаас шаардаж буй гол шаардлага нь цалин нэмэх. Хөдөлмөрийн сайдын хувьд би аль болох цалин нэмэхийн төлөө ажиллана. Гэхдээ улсын төсөв тасалдалтай байна. Мөн Хөдөлмөрийн тухай хуулийг УИХ-аар батлуулах шаардлага бий. Энэ бол Үндсэн хуулийн дараа орох, чухал ач холбогдолтой хууль. Гадаадын хөрөнгө оруулалттай, томоохон компаниудад монгол ажилчдыг удаан ажиллуулан, богино хугацаагаар амраадаг. Иймд Хөдөлмөрийн хуульд дээд, доод хязгаарыг заах шаардлагатай. Ижил мэргэжилтэй атлаа өөр цалин авдаг үзэгдлийг ч хуульчилна

Ижил мэргэжилтэй атлаа өөр цалин авдгийг хуульчилна