“Монос экспо -2015” өчигдөр нээлтээ хийлээ. Уг арга хэмжээг Монголын Эрүүл Мэнд, гоо сайхны үйлдвэр, үйлчилгээний салбарт тэргүүлэгч Монос Групп жил зохион байгуулдаг уламжлалтай.

Энэ жил Монос Групп үүсгэн байгуулагдсаны 25 жилийн ойн арга хэмжээтэй хамтатган зохион байгуулж буй бөгөөд “Монос Экспо-2015”-ын нээлтийн ажиллагаанд Эрүүл Мэнд, Спортын сайд Г.Шийлэгдамба, Нийслэлийн Эрүүл Мэндийн Газрын дарга н.Энхбат болон Монос Группийн үүсгэн байгуулагч, ТУЗ-ын дарга, Төрийн шагналт, академич Л.Хүрэлбаатар, Монос Группийн Гүйцэтгэх Захирал Х.Ананд тэргүүтэй тус группийн удирдлагууд оролцсон юм. Экспо нээгдмэгц иргэд Соёлын Төв Өргөөний 3-р давхарт байрлах үнэ төлбөргүй үзлэг, оношилгооны хэсгийг зорьж байсан бөгөөд уг хэсгийн ачаалал их байв.

Мөн 1-р давхарт Монос Группийн үйлдвэрлэсэн эм, гоо сайхан, хүнсний нэмэлт тэжээл зэрэг хэрэглэгчдийн хэдийн танил болсон брэндүүдээс эхлээд шинээр худалдаанд гарч буй бүтээгдэхүүнүүдийн хямдралтай худалдаа явагдаж байсан юм.“Монос экспо-2015 ”-ын үеэр дархлаа, Хүүхдийн эрүүл ахуй, Гоо сайхан, Зөв хооллолт, Анхан шатны тусламж зэрэг 6 сэдвээр Монгол улсын тэргүүлэх зэргийн эмч нар үнэ төлбөргүй лекц явагдах юм. Мөн яс сийрэгжилт, даралт, сахар тодорхойлох, чих хамар хоолой, хүүхэд зэрэг 8 төрлийн үзлэг оношлогоог үнэгүй хийнэ.

“Монос Экспо-2015” энэ сарын 11-ныг дуустал Соёлын Төв Өргөөнд зохион байгуулж байгуулагдах тул эрхэм та яараарай.

“Монос Экспо-2015” нээлтээ хийлээ