Онцгой байдлын салбарын чадамжийг дээшлүүлэхийн тулд олон улсад хүлээн зөвшөөрөгдсөн мэргэшсэн аврагчдыг бэлтгэх зорилтыг манай улс тавиад байна.

Ингэж хүлээн зөвшөөрөгдөхийн тулд олон улсын батламж авах ёстой байдаг. Энэ батламжийг авахын тулд тууштай бэлтгэл, сургуулилт, стратеги төлөвлөлтийн шинэ орчин, технологи нутагшуулахаас эхлээд хэлний бэлтгэл хүртэл хийх шаардлагатай аж. Тиймээс ОБЕГ ирэх жилийн төлөвлөгөөндөө энэ зорилтыг дэвшүүлжээ.

“2011 оны гурван сард Японы их газар хөдлөлт болсон. Тэр үед Монголын Онцгой байдлын албаны албан хаагчид тусламжийн хүрээнд ажилласан. Цаашдаа Монгол улс гамшгийн үед ажиллах багтай болох зайлшгүй шаардлага бий. 64 хүнтэй багийн бэлтгэл ажил ирэх жил гэхэд хангагдаад НҮБ-ийн харьяа эрэн хайх, авран туслах бүлгээр үнэлгээ хийлгээд өөрийн гэсэн сертифкат авахаар ажиллаж байна” гэж ОБЕГ-ын дарга Т.Бадрал хэллээ.