Хан-Уул дүүргийн 50 жилийн ойг тохиолдуулан УИХ-ын гишүүн Л.Болдын ажлын алба болон дүүргийн ЗДТГ, харьяа хэлтэс албад “Явуулын нэг цэгийн үйлчилгээ” өдөрлөгийг зохион байгуулж байна.

Тус дүүргийн Нийгмийн даатгалын хэлтэс, Өмч газрын харилцааны алба, Жижиг дунд үйлдвэрлэлийг дэмжих төв. Цэргийн штаб, Эрүүл мэндийн нэгдэл гээд 13 хэлтэс, албадын мэргэжилтнүүд уг өдөрлөгт оролцож байна.

Өдөрлөг ХУД-ийн алслагдсан хороо болох Өлзийтөөс эхэлжээ. Өлзийт хорооны 59 дүгээр сургууль дээр болсон “Явуулын нэг цэгийн үйлчилгээ”-гээр 114 иргэн үйлчлүүлжээ. Иргэдийн олонх нь газрын талаарх лавлагааг авсан байна.

Өдөрлөгийн дараагийн хэсэг захын хороо буюу Туул тосгонд үргэлжлэв. Уулаанбаатар хотоос 37 км-ийн зайд орших Туул 26 дугаар дунд сургууль дээр болсон нэг цэгийн үйлчилгээний үеэр иргэд Хөдөлмөрийн хэлтсийн хэрэгжүүлж буй “Ажилтай, орлоготой байх” сургалт, хөтөлбөрүүдийг сонирхохын зэрэгцээ Нийгмийн даатгалын хэлтсээс цалин тэтгэвэртэй холбоотой олон лавлагааг авсан байна.