Өнөөгийн нийгэмд улс төрийнхөн болоод дуулиан шуугиант хүмүүсийг индэртээ авчирч чадаж байгаа цөөн хэдэн нэвтрүүлгийн нэг нь “Цензургүй яриа”.

Энэ нэвтрүүлгийн зочноор УИХ-ын гишүүн, Барилга хот байгуулалтын сайд З.Баянсэлэнгэ орж, сэтгүүлчийн “хатгасан” асуултанд торохооргүй хариулж, өөрийгөө хэн бэ гэдгийг бага ч болов таниулаад авсан.

Тэгвэл түүнийг улс төрийн хүрээнийхэн хүртэл үнэлээд эхэлчихсэн сурагтай. Тус нэвтрүүлгийн төгсгөлд сэтгүүлч Ц.Нямдоржтой таарч түүний талаар хуучилсанаа дуулгав.

Хашир гишүүн маань түүнийг “Юм үнэнээрээ сайхан, З.Баянсэлэнгэ манай парламентийн зарим гишүүдээс илүү чадавхижиж байгаа. Хэлж байгаа үг нь цэгцтэй, асуудалд хандаж маш сайн хандаж байна. Ганцхан Н.Энхбаярын халаасанд л байгаа болохоос” хэмээн түүнийг магтсан байна.