Өнгөрсөн бямба гарагт болсон газар хөдлөлтийн талаарх мэдээллийг Онцгой байдлын ерөнхий газраас Засгийн газрын гишүүдэд танилцууллаа. 

Энэ сарын 03-ны 17 цаг 58 секундэд Баянзүрх дүүргийн Улиастайн хөндийн салбар Шарын аманд магнитуд нь 4.4 хүчтэй газар хөдлөлт болжээ. Энэ үед Бэлх, Шаргаморьт, гачуурт тосгоны оршин суугчдад хүнгэнэсэн дуу чимээ сонстож, хүчтэй чичиргээ мэдрэгдсэн ба хотын бүх дүүргийн оршин суугчдад чичрхийлэл мэдрэгдэж сандрал үүсгэсэн.
 

Онцгой байдлын ерөнхий газраас Баянгол, Баянзүрх, Сонгинохайрхан, Налайх, Хан-Уул дахь хүчтэй газар хөдлөлтөд нурах эрсдэлтэй 25 барилга, байгууламжид энэ сарын 3,4-нд үзлэг шалгалтыг зохион байгуулахад ямар нэгэн эвдрэл гэмтэл илрээгүй байна.