Монгол Улсын Их Хурлын 2015 оны намрын ээлжит чуулганы өнөөдрийн /2015.10.09.Баасан гараг/ үдээс өмнөх нэгдсэн хуралдаан 09.00 цаг 52.00 минутад 52.6 хувийн ирцтэй эхлэв.

Чуулганы үеэр УИХ-ын Я.Содбаатар “НИТХ-ын төлөөлөгчид 27 сая төгрөгийн урамшуулал авч байна. Нийслэл хот Москва, Сөүл хотод элчин сайдын яам байгуулсан. Ер нь сүүлийн үед Бат үүл дарга өөрийгөө улсын баатар гэж бодоод үнэмшээд юу хийгээд байгаа юм. Улсын наадмын дараагаар Бат-Үүлийн даншиг гэж болдог. Ийм замбараагүй улсын дотор улс байгуулах гэж оролддог зүйлийг болих ёстой. Дүүрэг бүр улсын наадам хийж байгаа мэт ойгоо хийдэг болсон. Нэг дүүрэг л гэхэд өчнөөн сая төгрөгөөр хийж, том том тэмдэг, зурагтай ном гаргаж байна. Нийслэл, дүүрэгт буй тэр тансаглалаа л зогсооход маш их мөнгө хэмнэж чадна” гэлээ. Түүний асуултад Сангийн сайд, Ерөнхий сайд нар хариуллаа.

Сангийн сайд Б.Болор “Улсын төсөв хүнд байгаа гэдгийг хаана хаана л ойлгож байна. Гэхдээ багш, эмч нар, төрийн албанд ажиллаж байгаа цэрэг цагдаагийн хүмүүсийн цалинг тогтмол олгож байгаа. Цалин дутсан зүйл байхгүй харин бага зэрэг оройтож олгосон.

Ерөнхий сайд Ч.Сайханбилэг” Шилэн дансны хуулийг Засгийн газрын зүгээс хэрэгжүүлэх тал дээр нилээн анхаарлаа хандуулж ажиллаж байгаа. Тус хууль хэрэгжих технологийн шийдлүүд дээр ажилласан, сургалт зохион байгуулсан.