УИХ-ын гишүүн Ц.Даваасүрэн:

-УИХ-ын зарим гишүүд ХСҮТ дээр очиж үйл ажиллагаатай нь танилцсан. Өвчтэй хүмүүсийн мэс засалд орох дараалал сар гаруй хугацаагаар үргэлжилж байна.

Нэг ёсондоо хүчин чадал нь ачааллаа дийлэхгүй болсон гэсэн үг. Тиймээс өргөтгөлийн барилгыг зайлшгүй дуусгах хэрэгтэй. Нөгөө талаасаа элэг, ходоод, улаан хоолойн хавдрын өвчлөлийн үзүүлэлтээр дэлхийд тэргүүлж байгаа.

Байдал ийм байхад эмнэлгийн үйлчилгээг хүртээмжтэй болгох үүднээс эмнэлгийн барилгыг өргөтгөхөөс өөр аргагүй. Энэ асуудлыг УИХ ойлгож, шийднэ гэж бодож байгаа.

Хүний амь настай холбоотой, хойшлуулж боломгүй асуудал учраас гишүүд дэмжих ёстой. Төсөв хэдий хүнд байгаа ч гэлээ ХСҮТ-д шаардлагатай санхүүжилт олгох бүрэн боломж бий.