УИХ-ын чуулганаар Авилга албан тушаалын гэмт хэрэг Өршөөлийн хуулиар өршөөгдөхгүй болсон билээ.

Энэ асуудлаас үүдэн Засгийн газар тарах уу гэдэг асуулт хариу нэхэж байна. Авилга албан тушаалын гэмт хэрэг Өршөөлийн хуулиар өршөөгдөхгүй болсон нь олон хүний бухимдалыг төрүүлэв. Батлагдсан өршөөлийн хуулиас үүдэн  МАХН хуралдаж Засгаас гарах шийд гаргасан тухай мэдээлэл цацагдав.

Харин энэ талаар Эрүүл мэнд, спортын сайд, МАХН-ын Ерөнхий нарийн бичгийн дарга Г.Шийлэгдамба Засгийн газраас гарахгүй хэмээв байр сууриа илэрхийллээ.

Тэрээр “Өршөөлийн хууль батлагдаж байхад үүнтэй холбоотой  улс төрийн тухайлбал засгийн газраас МАХН гарах нь гэх мэт мэдээллэ бол ташаа мэдээлэл цацсан. МАХН засгийн газраас гарахтай холбоотой ямар нэгэн албан ёсны мэдээлэл гаргаагүй. Өмнөх засгийн газрын үед ч тэр улс орны нийгэм эдийн засгийн байдал тогтворгүй байгаа үед төр засаг тогтвортой байх ёстой. Үүний төлөө ч “Шударга ёс” эвсэл ажиллж ирсэн. Өмнөх засгийн газар огцорсон асуудал манай эвслээс шалтгаалаагүй шүү дээ. Хувь гишүүд бол өөрсдийн байр суурьтай” хэмээн хэллээ.

Хэдийгээр МАХН өршөөлийн хуульд баримтлах байр суурь зөрчилтэй байсан ч өршөөлийн хууль батлагдсанд таатай хандаж байгаа гэлээ.

“Шударга ёс” бүлгийн зургаан сайд засгийн газраас гарахгүй хэмээн мэдэгдсэн ч засгийн газрын байр суурь ганхсан хэвээр байгаа. Тухайлбал УИХ-ын гишүүн Г.Уянга Засгийн газрыг огцруулах саналд гарын үсэг цуглуулж эхлээд багагүй хугацаа өнгөрөөд байгаа юм. Хэрвээ 19 гишүүн гарын үсэг зурвал Засгийн газрын хувь заяаг УИХ-аар хэлэлцэх учиртай. Бидэнд олдсон мэдээллээр энэ тоо хүрсэн гэх мэдээлэл байна.

Бүрэн эхээр нь бичлэгээс ...