Улс орны эдийн засаг хүнд үед улс төржихгүйгээр төсвөө хэлэлцэн батлах шаардлага улс төрчдийн өмнө бий. Гэтэл улсын төсвийг батлах сонирхол улс төрчдөд алга байна.

Учир нь улсын төсөв батлах болохоор чуулган, байнгын хорооны ирц бүрдэхгүй. Ирц бүрдэхээр ажил хэрэгч гэхээсээ илүү нам эвслээр талцаж маргалдсан байдалтай 2015 оны төсвийн тодотголын ард арай хийж гарсан. Одоо 2016 оны төсвийг батлах гэхээр ирц, улс төржилт саад болсон хэвээр байна.

2016 оны төсвийн хувьд яам агентлагын бүтцийг өөрчлөхгүй байхаар болсон. Мөн төрийн удирдлагын цалинг 30 хувиар бууруулахгүй гэдэгт нам эвслүүд санал нэгдсэн. Дээр нь шинэ хөрөнгө оруулалт хийх төсвийг танажээ. Энэ бол төсвийн хэлэлцүүлгийн явцад гарч байгаа өөрчлөлт гэхдээ төсвийн тэнцвэрийг хадгалахийг зорьж байгаа хэмээн төсвийн байнгын хорооны дарга мэдээллээ.

УИХ-ын гишүүн, төсвийн байнгын хорооны дарга Ч.Улаан: 2016 онд төсвийн орлого, зарлагыг уялдуулах үүднээс шинээр эхлэх хөрөнгө оруулалтыг багасгах татгалзах санал гарсан. Шинээр эхлэх обьектээс татгалзахаар болж байна. Энэ бүгд бол төсвийн хэлэлцүүлгийн томоохон өөрчлөлт боллоо. Тэгэхээр одоо энэ бүгдийг тусгаж эцсийн төсвийн бодлогыг хадгалах асуудал эрчимтэй яригдаж байна. Төсвийн үндсэн тэнцэрийг эвдэхгүй байх, алдагдалыг 3.3 хувьд нь бариулах мөн хуульд нийцүүлэх боломжтой гэсэн дүгнэлт ажлын хэсгүүдээс гарч байна.

Ийнхүүү 2016 оны төсвийг хэлэлцэн батлахад хангалттай хугацаа үлдсэнгүй тодруулбал ирэх долоо хоногт төсвийг баталсан болоод орхих нь тодорхой болж байна. Тэгвэл улсын төсвөө халтуурдаж улстөржилтөө нэгдүгээрт тавьж байгаа энэ тохиолдолд улс орон ард түмэн хохирно.

Бүрэн эхээр нь бичлэгээс ...

Улсын төсвийг батлах сонирхол улс төрчдөд байна уу