Монгол улс ардчилал шинэчлэлийн замыг сонгоод 25 жилийг ардаа орхилоо.

Үндсэн хуулийн хүрээнд олон намын тогтолцоонд шилжиж  өнөөг хүртэл ерөнхийлөгч, УИХ, орон нутгийн сонгууль нийт  зургаан удаа тус тус зохион байгуулагдлаа. Улс орон хөгжиж байгаа хэдий ч нийгэмд ажилгүйдэл, ядуурал, гэмт хэрэг, ёс суртахуун, эрүүл мэндийн доройтол, нийгмийн давхаргуудын ялгаа улам ихсэж байна. Үүнийг хэт улстөржилт хэмээн Монголын үндэсний ардчилсан нам дүгнэлээ.

МҮАН-ын ерөнхий нарийн бичгийн дарга Б.Цогтгэрэл "Мэдээллийн технологи хөгжөөгүй байхад үндэсний хэмжээний сүлжээгээр дамжуулж төрийн бодлого, намын үзэл сурталаа иргэн бүрт хүргэхийн тулд үндэсний хэмжээний сүлжээ зохион байгуулдаг. Энэ бол коммунист маягийн тогтолцоо. Өнөөдөр facebook, twitter, сонин, сайт, телевиз гээд хангалттай мэдээллийн хэрэгсэл байхад, өнөөдөр захын малчны хотод чөлөөтэй очиж байгаа үед үндэсний хэмжээний сүлжээ улс төрийн намд шаардлагагүй юм".

Өнөөдөр монголын нийгэм, эдийн засаг амаргүй үетэй нүүр тулж байна. Улс төрийн туйлшрал гүнзгийрч дараалсан сонгуулийн цикл ойртож байна. Энэ цаг үед нийгмийн тогтвортой байдлыг хангах намууд нэгдэх, хамтрах зайлшгүй цаг иржээ.

 Тэрээр "Ардчилсан намын хувьд гүйцэтгэх зөвлөл хуралдаад ийм намуудтай хамтран ажиллах хүсэлтэй байгаагаа ярьсан юм шиг байна. Магадгүй санаачилга юм уу хүсэлт ирж магадгүй. Энэ нь бидний хоорондоо ярилцах сэжүүр болно. Ер нь нэгдэж эвсэж ажиллахыг улс төрийн намууд ярих ёстой. Улс төрийн намуудын төлөвшилтийн тухай, намын хуулийг шинэчлэх тухай яригдаж байна. Энэ бол эвлүүлэх үйлчлэлтэй байх ёстой" гэлээ.

Бүрэн эхээр нь бичлэгээс ....