15-аас дээш жил амьдарсан эхнэр нөхөр нэгнийхээ тэтгэвэрийг өвлөн авахаар болж байна. Энэ хуулийг хэрэгжүүлэхэд жилд 21 тэрбум төгрөг зарцуулах тооцоо гараад байна. Тиймээс нөхрөө өндөр цалинтай ажил хийлгэхийн тулд олон жил нэргүй ажил хийсэн эмэгтэйчүүд хамтын тэтгэвэрийн энэ хууль ашиг тусаа өгнө гэж найдаж байна.

 Барууны орныг бодвол Монголчуудын дундаж наслалт бага байна. Эрэгтэйчүүд дунджаар 55-60, эмэгтэйчүүд 60-65 насалж байгааг сүүлд хийсэн судалгаа харуулж байна. Насаараа ажиллаж улсад татвар төлчихөөд тэтгэвэрийнхээ үр шимийг 80, 90 хүртлээ авч чадахгүй байна. Зарим тохиолдолд тэтгэвэрийнхээ барааг ч харж чадахгүй нас бардаг жишиг олон бий. Энэ нь Монголчуудын амьдралын буруу хэв маяг, нийгмийн стресс, ядуурал, аваар зэрэгтэй холбоотой. Тиймээс ч хамтын тэтгэвэрийн энэ хууль нийт ахмадын талархлыг хүлээсэн үйл явдал болжээ.

 УИХ-ын гишүүн Д.Батцогт: 2017 оноос хэрэгжихээр болсон. Учир нь улсын төсөв батлагдсаны дараа батлагдаж байгаа юм. Хууль хоёр жил зургаан сар гацаж байж батлагдлаа. Байнгын хороонд хүчээр явуулж байж баталлаа. Барьцаанд байсан хууль. 

УИХ-ын гишүүн А.Бакей: Энэ хууль батлагдсанаар ертөнцийн жам ёсоор нас барсан нэгнийхээ тэтгэвэрийн 20-оос доошгүй хувийг 2017 оноос эхлэн тогтвортой авч явах хууль эрх зүйн орчин бүрдлээ. 

Бүрэн эхээр нь бичлэгээс ...