Энэ парламент, Засгийн газрын хэрэгжүүлсэн, ард иргэдийн таашаалд хамгийн их нийцсэн ажил бол жилийн найман хувийн хүүтэй орон сууцны зээл билээ. Өнөөдөр эл ипотекийн зээлээр 75 мянга гару өрх орон сууцтай болоод буй.

Гэтэл өнөөдөр ардчилсан Засгийн газрын хэрэгжүүлсэн уг ажил зогсох нөхцөл бүрдсэн шийдвэрийн Үндсэн хуулийн цэц гаргасан тухай мэдээлэл хүчтэй тархах боллоо.

Тодруулбал,  МАН захиалж, Цэц гүйцэтгэснээр иргэдийн найман хувийн зээлд хамрагдах боломжийг хумьж, мөн наман хувийн зээд авсан авах гэж байгаа иргэдийн зээлийн хүүг 20 хувь болж өсөх гэж байгаа талаар эх сурвалжууд мэдээлэх болсон.

Энэхүү мэдээлэлд иргэд маш ихээр ундууцан хүлээн авч, зээлийн хүүг өсөхийг маш ихээр эсэргүүцсэн сэтгэгдлээ илэрхийлсээр буй.

Тэгвэл өнөөдрийн УИХ-ын чуулганы эхний хэлэлцэх асуудал болох Үл хөдлөх эд хөрөнгийн барьцааны тухай хуулийн зарим заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2015 оны 15 дугаар дүгнэлтийг үргэлжлүүлэн хэлэлцэх үеэр  МАН-ын гишүүн Ж.Энхбаяр эл мэдээлэлд няцаалт хийж, ипотекийн найман хувийн зээл үргэлжилдгээрээ үргэлжилнэ. Зээл олгогддогоороо олгогдоно. 

Монгол банкны Ерөнхийлөгч, Ерөнхий сайдын амласан. Энэ зээл цааш явдгаараа явна. Зээлийн хүү өсөхгүй гэдгийг ард иргэддээ ойлгуулж хэлмээр байна” хэмээн дахин дахин сануулсан юм.