Боловсрол, соёл, шинжлэх ухааны сайд Л.Гантөмөр аливаа авьяасыг бишрэн шүтэгч, бас ч гэж төрийн сайдын зангарга харуулж чаддаг нэгэн гэдгээ харуулж "Авьяаслаг Монголчууд" уралдааны гуравдугаар байрын шагналт боргил хоолойтой барилгачин залуу А.Отгонбаярыг СУИС-д суралцах урилгаар мялаав.

Л.Гантөмөр сайдын хувьд "төрийн хүний ноён нуруутай, аливаад туйлширч давхиад байдаггүй нэгэн" гэх даруухан хэрнээ даацтайхан тодорхойлолттой нэгэн. Тэрээр Монголын боловсролын салбарт дорвитой шинэчлэл хийж, Монголын хүүхэд залуусын авьяасыг түгээн дэлгэрүүлэхэд жинтэй үүрэг гүйцэтгэж яваа шигээ баргил хоолойтой барилгачин залуугийн мөрөөдлийг биелүүлж, ирээдүйн замд нь сүү дусаасан сургуулийн урилга гардууллаа.

СУИС-д суралцах нууцхан мөрөөдлөө Монгол төрийн сайдаас гардаж авсан нь А.Отгонбаярын хувьд энэ насанд нь мартагдахгүй баярт үйл явдал болсон нь тодорхой. Одоо түүнд гагцхүү хичээх, хариуцлагатай сурах хоёр л үлдлээ. Авъяасыг бишрэн шүтэгч төрийн сайд “Браво".