Бүртгэл, санхүү, эдийн засгийн ажилтны баярын өдрийг тохиолдуулан Монголын Мэргэшсэн Нягтлан Бодогчдын Институтийн Ховд салбар “Ховд” их сургуулийн Нягтлан бодох бүртгэлийн тэнхимтэй хамтран оюутны эрдэм шинжилгээний бага хурал зохион байгууллаа. Эрдэм шинжилгээний хурлын даргаар Ховд аймгийн санхүү төрийн сангийн хэлтсийн мэргэжилтэн МНБ М. Отгонханд, шүүгч гишүүдээр аймгийн санхүү хяналт, аудитын албаны мэргэжилтэн, салбарын менежер МНБ Ц.Давааням, ХИС-ийн НХУС-ийн НББ-ийн багш МНБ Т.Эрдэнэцэцэг, хурлын нарийн бичгийн даргаар НББ-ийн тэнхимийн туслах ажилтан М.Энхзаяа нар ажиллалаа. 

Хуралд нягтлан бодох бүртгэл, банк, санхүү, эдийн засаг, бизнесийн удирдлага болон бусад салбарын сэдвийг хамарсан илтгэлүүд хэлэлцэгдсэнээс  сүүлийн шатанд ХИС-ийн НХУС-ийн НУ-ны тэнхимийн III ангийн оюутан Б. Сүрэнгийн “Оюутны бие даалт, туламдаж буй асуудал” илтгэл I байр, ХИС-ийн НХУС-ийн НУ-ны тэнхимийн III ангийн оюутан Р. Берикийн “ Фэйсбүүкийн хор уршиг” илтгэл II байр, ХИС-ийн НХУС-ийн НББ-ны тэнхимийн III ангийн оюутан Б.Даваабал, Г.Болоршүр нарын “Нийгмийн хамгаалал хүмүүсийн амьдралд нөлөөлсөн байдал” илтгэл III  байр, ХИС-ийн НХУС-ийн НУ-ны тэнхимийн III ангийн оюутан О.Намсрайн “Оюутнуудын цаг ашиглалт” илтгэл тусгай байр эзэлж өргөмжлөл, мөнгөн шагналаар, ХИС-ийн НХУС-ийн НББ-ны тэнхимийн IV ангийн оюутан Б.Шинэгэрэл, Б.Анхцэцэг нарын “Херси Бланшердийн онолын зарчмыг оюутны төлөвшил хандлага дээр хөрвүүлэн судласан нь” илтгэл ХААН банкны Ховд салбарын гарын бэлгээр тус тус шагнагдлаа. 

Шагнал гардуулах үйл ажиллагаанд ХИС-ийн захирал доктор, профессор Ж.Янжмаа оролцож амжилттай оролцсон оюутнуудыг мөн өөрийн гарын бэлгээр шагнасан бөгөөд эрдэм номын цагаан үйлс дэлгэрэхэд харамгүй сэтгэл, зүтгэл гарган хамтран ажилладаг ММНБИ-ийн Ховд салбарын удирдах зөвлөл, гишүүд, дэмжигчдэд ХИС-ийн захиргаа, багш ажилчид, оюутны өмнөөс баяр хүргэж, ажлын өндөр амжилт хүслээ.